Warm Bodies (2013) - Review

بما اني لسه جديد ف كتابة ريفيوهات الأفلام دا ، فقلت ابدأ بكام حاجة مشهورة او سهلة نسبياً يعني .....
فيلم Warm Bodies  من افلام السنة اللي فاتت الcomedy/horror/romance  في خليط جميل و متناغم رغم الاختلافات دي .

الفيلم بطولة الجميل فشخ Nicholas Hoult  اللي متميز من ايام ماكان طفل مع Hugh Grant في  about a boy
و معاه اتنين احلي من بعض  Teresa Palmer  و Analeigh Tipton
و العظيم جداً   John Malkovich   مع ظهور خاص للصاروخ -مؤخراً-  Dave Franco ...
والمخرج Jonathan Levine اللي تطور جداً عن فيلمه  50/50  مثلاً  ...
الفيلم مصنف  PG-13 عموماً يعني زي مابيقولوا عندنا  "نضيف"  !

الplot الرئيسي للفيلم عن Zombie بينقذ واحدة م القتل او بالأحري "الأكل" و بعد كدة بتنشأ بينهم احاسيس و علاقة حب بتغيره جذرياً و تغير مسار الكوكب كله كمان ... دا عامةً يعني . و طبعاً لو لاحظت الفيلم مبني علي "Romeo & Juliet"  بطريقة ما .

هو مشكلة الناس هنا مع الأفلام دي تحديداً انهم مش متقبلين فكرة الكوميديا التقيلة ... او ان الفيلم الكوميدي اللي مايفطسهمش م الضحك يبقي فاشل ... الفيلم دا بيلعب ع النص ف كله ، كوميديا خفيفة و رعب خفيف و رومانسية خفيفة نوعاً ما . و خصوصاً ان الفيلم عن شخص مالوش قلب او مشاعر اساسا بحكم كونه Zombie ف طبيعي ماتكونش الجرعة كبيرة .

الفيلم بقي بيبدأ بإنه يوريك الZombie apocalypse و انهم خلاص تقريباً سيطروا ع العالم ما عدا قلة بشر لسه مستخبيين ،
و ازاي انهم لما بياكلوا "مخ" حد م البشر بيشوفوا كل ذكرياتهم مرة واحدة و يعيشوا تجاربهم و لو للحظات و المخرج عاملها حلو جداًو الفكرة دي كلها عجبتني قوي بصراحة و جديدة .
بعد كدة بطل الفيلم و كام واحد معاه بيهجموا علي شوية مراهقين و بياكل مخ واحد منهم  وبيشوف ذكرياته مع واحده منهم و بيحس حاجات مش فاهمها ناحيتها ف تلقائي بينقذها و يخبيها في مكان خاص بيه مجمع فيه حاجات بتاعته ،
طبعاً بتخاف منه الأول بس بعد كدة بتتطمنله و تبدأ تتعود عليه و سمته  "R" و بدأتتشوف مقتنياته اللي بالنسبالي احلي ما في الفيلم ...

فيه كمان حاجة عجبتني ، الzombies اللي حالتهم اتدهورت بقي بيتحولوا لوحوش تانية عبارة عن هياكل عضمية اسمهم bonies تقريباً علي ما أتذكر ،
                                 
و دول شرسين حتي لدرجة انهم بيخافوا منها ، و بيشوفوا البنت و هي عنده و بيطاردوهم عشان ياكلوهم بس ناس zombies صحابه بيتصدولهم عشان هو وصلهم انه بدأ يحس و انهم ممكن يحسوا و يرجعوا كلهم عاديين بس لو قاوموا برضه ،
طبعاً هم بيتكلموا بس بالmoaning و اصوات مش واضحة بس  R  و كام صاحب منهم بيعافروا و ساعات بيقولوا كلمة او اتنين ،
و بيطلع ان ابو البنت قاءد ف المجموعة المحاربة البشرية اللي باقية اللي بتحاربهم و بتروحله بيه عشان تثبتله ان فيه أمل بس طبعا بيضربه بالنار و يفاجأ انه نزل دم و انه فعلاً كدة بدأ يتغير و دا بيدي أمل لzombies كتير تانيين يرجعوا سلام تاني ..
طبعاً الهدف يعني ان الأمل و العزيمة و الحب أفوي من أي حاجة وأي مرض ، حتي ال Zombiflication  !


فيه تفاصيل عجبتني بقي زي مثلا :
- لما سألته  "you can still get a boner or something? "
- و اللقطة دي طبعاً
                          
 -ولما اشتغلت اغنية "shelter from the storm" لDylan ، مناسبة جداً و عمرها ما sounded better  !

بس فعلاً هو فيلم هيخلي قلبك "دافي"  :)

الأول الناس ممكن تشوف الtrailer
                https://www.youtube.com/watch?v=07s-cNFffDM

لينكات الفيلم بقي:

التورنت:
             http://thepiratebay.se/torrent/8498565/Warm_Bodies_(2013)_720p_BrRip_x264_-_YIFY

و الdirect links:
                           http://www.acg-tube.com/warm-bodies-2013/

و ليلتكوا حلوة :)