دا فيديو قديم عاملينه منظمة في المكسيك ضد العنصرية ،
جايبين عينة عشوائية من الأطفال و حاطين قدامهم لعبتين ، طفل/ة اسمر و التاني أبيض ،
و بيسألوهم اسئلة عن انهي احلي و انهي وحش ، و ليه قالوا كدة ،
طبعاً معظم الأطفال -خصوصاً البيض- اختاروا اللي لونها أبيض علي اعتبارها احلي او "الكويسة" ،
و بيقولوا ان العيب دا طبعاً ف الأهل بالأساس ، الفيديو دا انتشر تاني مؤخراً و معمول عليه ضجة نوعاً ما ،
ان العنصرية وصلت ان حتي الاطفال اللي لونهم اسمر كمان اختاروا اللعبة البيضة !
مش عارف بصراحة لو جم وشافوا أطفالنا واللي الأهالي و وزارة التعليم البوليسية دي بتعمل فيهم و ف دماغهم ايه ،
ولا لو شافوا الطفل أبو شخة اللي اسمه "معاذ" اللي جابته اللي اسمها "ريهام سعيد" عشان "يناظر" واحد "ملحد" ...
لو شافوه و هو بيقوله "أدلة وجود الله ف كل حتة، مين اللي بينزل المطر؟ مين اللي بيخلي الشمس تشرق؟"
ولا لو شافوا كتب من عينة "أطفال لكن دعاة" ،
ولا لو شافوا قناة "طيور الجنة" .... اللي القائمين عليها مايستاهلوش اكتر من القتل بالخزوقة بسبب العته اللي بيسببوه لملايين الأطفال اللي ملهمش زنب غير ان اهلهم معاتيه أو غالباَ سلفيين شايفيين ان اي قناة تانية "حرام" ...
بجد الأطفال هنا صعبانين عليا :( .... انا نفسي صعبت عليا :(
انا عايز اعيد الشريط من الأول في مجتمع مهتم بيا فعلاً :(
0 comments:
Post a Comment