The Lumineers (Album Review)

   

النهاردة هنتكلم عن فرقة الfolk/indie rock الأمريكية  The Lumineers

و ألبومهم الأول اللي بيحمل نفس العنوان ، 

الألبوم نزل من سنة و السنة دي نزل الDelux Edition  مع  كام  Bonus Track زيادة ..
الألبوم من سنة تقريباً ساعة نزوله كان وصل رقم 2 من ال Billboard 200 في كندا و أمريكا واستراليا و غيرهم.

هما مظلومين بصراحة عشان دايماً بيتقارنوا ب Mumford&Sons و دا مش ف صالحهم عشان لسه دي أول خطوة ليهم
بس فعلاً هم تحسهم نسخة شبابية أكتر من  Mumford&Sons
ندخل ع الألبوم :

و هبدأ بأكتر أغنيتين معلقين معايا :

Submarines
                                   

الأغنية دي من أول لحظة بتعرف انها هتلزق ف ودنك ! دا غير اني غصب عني بفتكر أغنية البيتلز .
اغنية كلها طاقة من أول ثانية لأخر ثانية،
رغم اني مش قادر افهم كلماتها بالظبط،، و هل هي تشبيه ولا بيتكلم بجد
بس اللي وصلي انها عن شخص بيبان انه قريب من كل الناس و بيحبهم بس هو من جواه مخبيلهم شر، زي الSubmarine كدة مش باين ف وسط البحر !
ف نفس الوقت بقي لو خدنا الكلام حرفياً فهي عن الحرب اللي كانت بين أمريكا و اليابان والهجوم علي Pearl Harbor
 و عن اللي شاف الغواصات اليابانية هناك و محدش صدقه لحد ما حصل الهجوم ...
دورتلهم علي مقابلات عشان اعرف انهي صح ، مالقتش للأسف، بس هي اغنية جميلة و دا المهم و خصوصاً العزف اللي ع البيانو ورا دا رائع !



Ho Hey        
                                             

تقريباً أشهر أغنية ف الألبوم و كانت أول حاجة سمعتهالهم أساساً،
والفيديو و الأغنية أجمل من بعض و متفصلين علي بعض بالميللي  !
أغنية  folk صرف فعلاً ،  و كلمتين "Ho , Hey" اللي بيترددوا ورا طول الأغنية مع الpercussion عاملين شغل جديد و حلو جداً
رغم انها اغنية كلماتها حزينة بس موسيقتها مش هتحسسك بالحزن مهما حاولت ،
هي مش عن حب بالظبط، هي عن حب ماحصلش ، او حد حبيبته سابته يعني،
حتي وانا بغني "I've been sleeping in my bed" مش حاسس اني حاسس اني محبط او زعلانله بالعكس ، ومش عارف دي تعتبر ميزة ولا عيب ف الأغنية بس حاجة جديدة و طريقة مختلفة
و أحلي حاجة لما قال "I belong to you, you belong to me, cause you're my...."قال  Sweetheart ...مفيش أرق من كدة ، خصوصاً و ان دا تقريباً معناه انهم بقالهم كتير سوا ان مكانش من وهم صغيرين مثلاً



Flowers in your hair
                                  

 أول اغنية ف الألبوم و أقصرهم (اقل من دقيقتين) بس كان نفسي تكون أطول فعلاً ،
الأغنية موضوعها زي اغنية "قدامي بتاعة رامي جمال) -معرفش عارفها ليه!- ، اتنين صحاب من وهم صغيرين و مؤخراً بدأ يحس انه بيحبها ، و بيتمني انه مايكونش اتأخر " So I think now I could love you back and I hope It's not too late"
الأغنية حلوة كintro للألبوم ، و خط الجيتار اللي ماشي لوحده من قبل الغنا لحد اخر الأغنية دا + الdrums و الكام آله اللي بيدخلوا واحد ورا التاني دا smooth  جداً و بيزق الأغنية ناحية جو Mumford&sons قوي  !



Classy girls
                                                 

اغنية رايقة قوي ، تحسسك انك طافي ع الماية كدة خصوصاً أولها ،
مع انها معمولة تبان انها live في بار تقريباً وسط ناس موجودة خصوصاً لما بيقول "classy girls don't kiss in bars you fools"
و كمان لما بيقول "she spoke of places I have never been she had traveled to"  معروف ان البنات اللي ف البارات بيبقوا غالباً بيسافروا كتير و يتنقلوا، ع الأقل أعتقد كدة !



Dead Sea    
                                   

مش هقول اني بسمع هنا  Kings of Leon .... أغنية تحفة بس بالنسبالي دول Kings of Leon ،  و دا سبب كافي اني اعشقها و لإنها تكون أغنية حلوة جدا جداً !

دول تقريباً اللي علموا معايا لحد دلوقتي ، بس اللي عايز يسمع الباقي بقي اللينكات تحت للألبوم كامل :



تورنت:
                  http://thepiratebay.se/torrent/8006324/The_Lumineers_-_The_Lumineers_2012_Songwriter_320kbps_CBR_MP3_[V


D.L. :
               http://www.4shared.com/get/7fQDv9WH/2012_-_the_lumineers.html


و ليلتكوا مزيكا حلوة   :)