Chronicle 2012 - Review (Major Spoiler Alert).

الليلة بقي هنتكلم عن تفريباً اكتر فيلم بحبه و شفته في آخر 10 سنين ومش عارف سبب دا تحديداً مع انه مش احسن فيلم اكيد !
فيلم  Chronicle انتاج 2012  هو فيلم  Drama/ Scifi/ Thriller  ،
و متصور بطريقة الFound Footage اللي هو بيكون بكاميرات عادية سواء حد يلاقيها بعد كدة او أبطال الفيلم بيصوروا بنفسهم و دي اللي بيحصل هنا ، و تصنيفه PG-13 تقريباً مناسبب للكل يعني .
أول إخراج لJosh Trank و بصراحة اعجاز ان دا يكون أول فيلم له، و شغال حالياً علي فيلم  Fantastic Four اللي اتمني يكون احسن من المسخرة بتاعت الجزء الأول .

الفيلم بطولة مشتركة، بين  الصاعد بقوة فعلاً  Dane Dehaan  و مترشح للBAFTA احسن ممثل صاعد ،
و Michael B Jordan  و  Alex Russell .

قصة الفيلم:
الفيلم بيبدأ ب Andrew اللي بنلاقيه قرر ف  بداية الفيلم يصور كل حاجة ف حياته، و بنشوف معاملة أبوه السيئة له خصوصاً بعد مرض أمه بالسرطان و كونه مش عارف يلبي احتياجيتهم،
و بنشوف ابن عمه اللي كان أقرب حد له بس بسبب الhigh school و كدة بعدوا شوية و طنشه نوعاً ماـ و بياخده حفلة حد معاه ف المدرسة و بيلاقوا حفرة بيدخلوها و بتحصل حاجات غريبة بيفوقوا منها ب super powers بيكتشفوها و بتزذاذ قوي علي مدار الوقت، زي تحريك الأشياء او ما يسمي بال telekinetic  و الطيران،
 بيقعدوا يتسلوا بالموضوع دا و تقريباً دي الفترة الوحيدة اللي مش سوداوية في الفيلم، و هو نفسه بيتغل دا عشان يتشهر بين زمايله بس من غير مايفضحوا نفسهم، لكن بيحصل ان Andrew بطريقة ما تسبب في قتل حد فبيتفقوا مايستخدموش قوتهم علي بشر نهائي، و دا بيبعد المسافات بين Andrew و الاتنين التانيين،خصوصاً وإن قوته هو بالذات بتزداد عنهم بمراحل،
وبيتسبب في صعق واحد صاحبهم التالت لما طلعله في وسط عاصفة و رعد عمله بسبب غضبه، بس مابيقولش لإبن عمه انه كان السبب في موته رغم شكه فيه خصوصاً و ان الأرصاد ماذكرتش وجود عاصفة في اليوم دا،
 و بيبدأ يسرق الناس بالقهر عشان يجيب دوا لأمه بس وهو في محطة بنزين بيسرقها، بتنفجر فيه، و نلاقيه مربوط في سرير في مستشفي،
بعد كدة  بيجيله ابوه و يكلمه و هو في "غيبوبته" ويتنرفز عليه و يلومه علي ان أمه ماتت، بسبب اهماله و "صرمحته" مع صحابه والكاميرا الغالية اللي جابها دي -من صاحبه اللي مات- و كان ممكن يجيبلها علاج بيه مثلاً ، ف بيفوق Andrew و يرميه من شباك المستشفي و ينقذه ابن عمه و دا نفرز Andrew ف بيحاربه و هو اساساً متدمر و بينزف من كل حتة وبيكسر المدينة ع الناس لحد مايضطر ابن عمه يقتله ..... !
و بيظهر بعدة بكاميرا تانية من  منطقة جبلية و بيكلم Andrew و يقوله انه راحها زي ماكانوا متفقين زمان .


The Bad:

-بالنسبالي اكتر حاجة كانت مضايقاني فكرة وجود superpowers غير مبرر لها، او مش عارفين ليه او الصخر اللي سببها دا حكايته ايه ، كنت منتظر اجابة طول الفيلم و محصلش للأسف،
- مش فاهم ازاي شخصيات زي دول لما جالهم القوي دي معملوش اكتر من انهم لعبوا شوية و قعدوا ياكلوا Pringles  ويلعبوا بال Legos -حتي لو متصورة حلو جدا-  ! ازاي ماراحوش Clubs مثلاً و استغلوا دا زي أي teenager ما هيعمل لو مكانهم !

                                     


The Good:

- طريقة التصوير رغم انها كلها بكاميراتهم بس مكانتش مزعجة زي "Blair witch project" مثلاً عشان مكانش فيه لقطات كتير ممطوطة زي عادة الأفلام دي، + ان قدرة Andrew تحديداً علي التحريك كان بيخلي الكاميرا تحلق فوقهم و تصورهم بوضعيات فشيخة ..
- شخصية و أداء Dane  تحديداً ، و تعبيرات وشه خصوصاً لما بيغضب و اخر نص ساعة في الفيلم كمية الغضب اللي جواه حاسس اني حسيت بيها حرفياً من كتر ماهو عاملها تحفة.
                                      
-و طبعاً أهم مشهد بالنسبالي في المستشفي خصوصاً اللحظة اللي بيفوق بيها علي كلام ابوه له و بيفجر المكان بيهم ... اخراج  مفيهوش غلطة ...

- و اللقطة اللي بيبتدي فيها يحس بقوته بتزيد فعلا و بيحطم عربية وراه و هو قاعد مكانه

 الفيلم احلي ما فيه ان كمية المواهب اللي ظهرت فيه، من أول المخرج و الكاتب اللي اول عمل لهم،
و الممثلين اللي لسه ف أول العشرينات بس بيمثلوا كإنهم بقالهم عشرين سنة بيمثلوا .


لينكات الفيلم بقي للي يحب يشوفه بعد ماحرقتهوله بالتفصيل :D

التورنت:
                  http://thepiratebay.se/torrent/7217098/Chronicle_2012_DVDRip_XviD-SPARKS

والdirect-links:
                          http://tvcric.com/2012/06/27/chronicle-2012-english-movie-brrip-720p-mediafire-download-links/


و نتمني لكم سهرة سعيدة  :)