طول عمري لما ببقي مخنوق و علي أخري من العيشة هنا بقول لنفسي "طب تخيل كدة لو كنت اتولدت transgender مثلاً في بلد زي دي، كنت هبقي عايش ازاي؟ ولا هحس بإيه؟" ساعتها بحس اني ف نعمة فعلاً و بنسي أي مشاكل حاسس بيها !
الفيديو اللي فوق دا عن عيلة جالهم طفلة transgender ، جسم بنت لكن العقل و النفسية ولد ... - دا بعد أساساً ماكتشفوا انها مابتسمعهش و عالجوها بس دا مش موضوعنا -
طبعاً اتفكروها "مرحلة و هتعدي" بس ماعدتش !
و ابتدي الولد جواها يكبر و يكبر ، لحد مالقوا انهم واجب عليهم يتقبلوا دا و يembrace it و فعلاً قصولها شعرها و اعتبروها ولد و قالوا لكل اللي يعرفوهم و طبعاً خسروا ناس حقيرة بس كسبوا ناس كويسة أكتر و بقي عندهم ولدين مش ولد و بنت،
هما عملوا كدة بعد ماعرفوا ان اكتر من 40% من الtransgenders بينتحروا بسبب ضغوط المجتمع،
ف قرروا انهم هيتقبلوا اطفالهم أياً كانوا و حبهم دا من غير شروط !
الفيديو دا حسسني قد ايه بجد الشرق الأوسط دا مايسواش بصلة كله علي بعضه بشوية العقليات الزبالة اللي ملياه
تخيل الطفلة دي لو اتولدت هنا -و بيتولد زيها كتير اكيد ، بس بائسين لدرجة اننا مانعرفش حد منهم حتي-
كان زمان أهلها غالباً ختنوها و عقدوها اكتر،
بعد كدة لفوا بيها ع الشيوخ ولا القساوسة عشان "ربنا يهديها" و لازم تقرب من ربنا عشان دا طبعاً شيطان و امتحان من ربنا ليها،
و طبعاً هيجوزوها بالعافية لراجل زيها -عقلياً و نفسياً- ، دا اذا مكانتش انتحرت م الأول و وفرت علي نفسها أساساً ولا أهلها قتلوها عشان دي حاجة من عمل الشيطان ولا يمكن غلطة مطبعية :/
أطفالنا ليهم الجنة و لينا النار لو جبناهم يعيشوا ف مجتمعات زي دي !!
0 comments:
Post a Comment