لوهلة افتكرت ان الخبر ساخر ، بعدين قلت هو انا فاكر نفسي عايش ف هولندا ولا ايه !
كالعادة دولتنا بتبهرنا بمدي "الوطو" و التندي اللي وصلناله و ازاي "الحسبة ع الأفكار" هي اللي حاكمة البلد ...
البيه وزير التربية والتعليم اللي مسؤل عن منسوب الخرا اللي بيصبوه في دماغ العيال ف البلد دي ، حول أمين مكتبة للنيابة العاملة للتحقيق معاه ـ
عشان قال ايه "ملحد" و بيعتنق أفكار ضد "قيم المجتمع" و ضد الأديان و صرح بيها ف كذا حتة ....
المصيبة ان الوزير دا تلاقيه مؤمن ب"من شاء فليؤمن" مثلاً ، و مش شايف ادني تعارض خالص !
ولا ان "حرية الاعتقاد مكفولة" ف الدستور .... كلها نصوص ع الورق بنطبق اللي علي مزاجنا بس !
وأتاري نظام مورسي طلع علماني اكتر من الخرا اللي داخلين عليه دا ، اللي ماحصل حاجة زي دي ولا زي السواد اللي نازل علي دماغ الملحدين و الشيعة و حتي المثليين ، لمجرد ان "الدكر" الجديد عايز يثبت "رجولته" علي ستات البلد الحيحانة و رجالتها اللي بيبلبعوا فياجرا بالمليارات ....
بجد خبر تحسه من القرون ما قبل الوسطي مش الوسطي بس !
انا مش ناوي بأي شكل أخلف ف البلد دي، مش عايز ناس متخلفة زي دي "تتبول" في أمخاخ ولادي ، كفاية العاهات اللي شايفينها !
في انتظار بقي يجلدوه ألف جلدة بالمرة زي ماعملوا ف جارتنا المنيلة بنيلة دي ... مهو دا اللي ناقص !
#istandwithraif ، عقبال ما نعمله هاشتاج بالمرة ، مهو دا تمامنا !
0 comments:
Post a Comment