لسه شايف الفيديو اللي فوق دا لتامر أمين وهو متعصب فيه قوي قوي و بيشتم عشان ازاي شاف اعلان عن - استغفر الله العظيم - واقي ذكري او condom يعني،
معلش يا تمورة ، كلنا عارفين ان الحاجات دي حرام ، زي مالفوط الصحية كانت حرام زمان اول ماجتلنا و الشيوخ كانوا بيحاربوها زمان ، زي حبوب الحمل كانت حرام برضه ، دي بالذات زيها ، اصل دا تدخل في رغبة الخالق ...
المفروض نفضل كدة نزلط عيال لحد ماالشوارع هتتكرع من كتر ماهم مرميين ف الشوارع ،
و زي ما عدم الختان حرام و تحديد النسل و مكاتب الأسرة حرام وعملتها سوزان مبارك عشان تبوظ مجتمعاتنا زي ما أمريكا عايزة ، و الرسول قال "تكاثروا فإني مباهي بكم الأمم يوم القيامة" ... و و و وو ....
عموماً كلها كام سنة و غصب عنك هتلاقي الواقي الذكري بيتباع ف المحلات عادي زيه زي الفوط الصحية بس كله بياخد وقته ، بدل مالناس بتتكسف تشتريها حتي م الصيدليات و كإنهم بيعملوا جريمة !
0 comments:
Post a Comment