Lady Gaga - Artpop (Album Review)

النهاردة هيكون أخيراً عن Lady Gaga  .... و الناس اللي بتكرهها تستخبي عشان انا من مدمنيها و الreview دا هيكون غير أي واحد فات ... رغم اني اساساً بكره الpop ... بس هنا الموضوع مختلف !
طبعاً مش محتاجين نعرف علي اشهر مغنية pop ف العالم ، هندخل ع الألبوم علي طول ...

الألبوم بعنوان  Artpop  
و Gaga تقريباً مشاركة في كتابة معظمه كالعادة .
و كانت عملاه زي mashup  كدة كفيلم قصير لكذا أغنية ف الألبوم .... بس حاجة فخيمة !
                                    

و أول اغنية معانا طبعاً (و اخر واحدة ف الألبوم)   Applause 

                                    
                                       https://www.youtube.com/watch?v=pco91kroVgQ

بصراحة أول مرة سمعتها معجبتنيش قوي، خدت مني مرة كمان عشان استوعب الgroove  و اللbeat اللي فيها دا و اهضمه كدة
أقوي أغنية ف الألبوم بالنسبالي، و الفيديو مالوش حل ... أحلي م الألبوم كله اساساً .... باللبس بتاعها بتاع الVMA دا
الأغنية واضح انها electropop ، و بتتكلم عن عالم الشهرة وان الناس ممكن تعمل أي حاجة لجذب الأضواء ليها -طبعاً  قلة من الناس بتقول ان الكلام دا يمشي علي Gaga نفسها ، بس هع ! -
مع انها ف الآخر رجعت و قالت  "I live for the applause" معلنة ان اهم حاجة ف الآخر عند الفنان ان الناس تفضل فكراه و بتحتبه !
رغم انها أغنية تبان نوعاً ما مش قوية او حتي هايفة، بس انا شايفها "فرد عضلات" ، خصوصاً ف الموسيقي جمعت كل أنواع الموسيقي علي نوتة واحدة ! ، مش هتعرف تقعد هادي وانت بتسمعها أبداً  !



Aurahttps://www.youtube.com/watch?v=pco91kroVgQ
كنت مستغرب مكانها كأول أغنية ف الألبوم بصراحة و مازلت مستغرب دخلتها بس فعلاً هي كلماتها و موسيقتها بتمهد كويس جداً للألبوم كله ... هي عموماً أغنية   Electric Dance Music او اختصاراً EDM
هنا Gaga تقريباً بتتكلم عن نفسها، و عن أسلوبها و طريقتها الفنية و كدة ..
"My veil is protection"  تقريباً دا الموازي عندنا ل"حجابي عفتي :D"  ، لا بجد ، المفروض هنا هي بترد علي اللي بيلوموا دايماً علي  الoutfits  المبالغ فيها دايماً  ، بتقول ان دا عشان نفسها الحقيقية من الشهرة اللي بتغير النفوس و الجو دا ...
و كمان "I'm not a wandering slave"  نفس الموضوع ، هي اللي بتتحكم ف شهرتها مش العكس !
و عاجبني ان الchorus اسلوبه  pop صرف، بس كلمات gaga نفسها وسط دا غريبة و مختلفة ختي ف أدائها عنهم جداً !
و للمرة المليون اثبتت انها مش خايفة من انها تكون مختلفة ولام الcontroversy  خصوصاً لما استخدمت كلمة "برقع" واللي اساساً كان  هيكون عنوان الأغنية بس غيرته من Burqa ل Aura .... و طبعاً "مسلمين" كتير اتضايقوا :3  رغم انه مجرد metaphor  !
" I killed my former and left her in a trunk on highway 10 "  ايه الدخلة دي؟ فيه جنون كدة؟ !


Venus 
                                  
                              https://www.youtube.com/watch?v=pco91kroVgQ

الأغنية دي popsynth عظيم  ! فيها شوية electrodrums علي auto-tune تقيل مخليين الموسيقي جبارة و كإننا رجعنا عصر ديسكوهات وtrance التسعينات !
مع ان كل دا بيتغير لما بتغني مع الchorus جملة جميلة جداً زي '' when you touch me I die, just a little inside, ,I wonder If this could be love"   طريقتها فيها مع الموسيقي جميلة بشكل !
مش عارف انا بس اللي كدة ولا لأ، بس اول ماسمعهتا افتكرت  E.T بتاعة  Katy Perry ،
متأكد 100% انها كاتبة الأغنية دي عن أول sexual encounter ليها مع واحدة ،
مع كلمات زي :" Goddes of love please take me to your leader , worship to the land a girl from planet Aphrodite lady"    أساساً حتي العنوان نفسه "Venus" شايفه رمز لكدة !
الفيديو بتاعها هينزل قريب تقريباً و من اخراج نفس اللي كان معاها فالMonster Ball Tour .


G.U.Y
                                  
                     https://www.youtube.com/watch?v=ohs0a-QnFF4

"Touch me Touch don't be sweet, love me love please retweet"  .... مش عارف أعلق من كتر منا شايفها فاجرة :D

أقوي موسيقي ف الألبوم ، شبه أغانيها اللي اتعودنا عليها قوي زي   born this way كدة ، EDM علي  pop علي  house و R&B ....
الأغينة عن الجنس  عموماً ، سواء ال positions او حتي الgender roles ،
"I'm gonna wear the tie"  بما انها بنت، ف بيكون المفترض انها تكون الأضعف فيها، بس بتقول انها هي اللي عايزة تجرب تكون اللأقوي  "I don't need to be on top,  I'm strong enough to know the truth"
عاجبني قوي الاختصارات اللي بتستخدمها ف الأغنية زي :
G.U.Y اختصار :  girl under you
G.I.R.L اختصار : guy in romantic love  ، الtwist  هنا عظيم  !



Jewels and Drugshttps://www.youtube.com/watch?v=NfviND95xRw
مش هقول غير حسبي الله و نعم الوكيل .... ليه القرف دا؟!  هنا هسكت احسن :3


Dope
                           
                       https://www.youtube.com/watch?v=1iSd_wTuA3U&feature=kp

من أول لحظة بتعرف ان mood الأغنية دي مختلف عن الباقي، أهدي بكتير طبعاً ، علي ما اعتقد دي ممكن تعتبر electro-rock
و اعتقد برضه اللي فهمته منها انها عن الحب و الإدمان ، او ممكن ادمان الحب مثلاً !
خصوصاُ لما بتكلم اللي كان حبيبها و تقوله "I need you more than dope" !
بتقلب حزينة قوي مع صوت الkeyboard وراهم و أدائها اللي بيتطور مع الأغنية و طبقتها بتعلي و الحزن فيها بيعلي معاها .

أول كام سطر تحديداً "I know I fucked up again, cause I lost my only friend, God forgive my sins"
بتفكرني بصاحبتها Lina Morgana اللي كانت انتحرت من سنين من الدور العاشر تقريباً .... و كانوا بيقولوا ان Gaga سرقت الstyle بتاعها من يومها ... ما علينا ...
تقريباً دمعت ف وسط الأغنية لما ربتط دا ب دا .
مبسوط بالأغنية دي أكتر من اي اغنية تانية ، بحبها هنا أكتر ، بصدقها أكتر، و صوتها بيبقي أقوي و أدفي .


اجمالاً دول بس اللي علموا معايا من ال15 اغنية، و رغم انه أقل رقم حصل معايا ف أي البوم لها ، بس مش حاسس اني متضايق مالألبوم قوي، شوية و لما ودنك هتاخد ع الموسيقي هتحسه عادي جداً، و الأهم من كدة، اني مستني أعرف ، عندك ايه تاني لسه :)

بالنسبة للينكات بقي:

التورنت:
                     http://thepiratebay.se/torrent/9136379/Lady_Gaga_-_ARTPOP_(Deluxe_Edition)_[2013]_320

والdirect links:
                      http://urbanmusichq.se/lady-gaga-artpop-album/


و سهرة سعيدة خاصة الليلة بقي مع شعنونتي <3  :)