The Fault in our Stars 2014 (trailer review & Song)

النهاردة هجرب حاجة جديدة شوية - بس مش جديدة برا- هعمل review للفيلم المنتظر بشدة  The Fault On Our Stars او اختصاراً TFIOS ..... تقريباً مستني الصيف عشان الفيلم دا و  X-men  الجديد بس ، هما هينزلوا برا كمان اسبوعين كجة بس علي مايوصلولنا ف السينيمات يعني،

أولاً فيه كذا trailer للفيلم ـ تقريباً دا احلاهم بالنسبالي، و حتي الآن مهما اشوفه اكتر من مرة برضه لازم أدمع :3

الفيلم عن كتاب  بنفس الاسم للكاتب الجميل و الyoutuber الموهوب جداً جداً  John Green ....
الفيلم عن واحد عندها 16 سنة و مريضة بالسرطان، و بتتعرف علي واحد و بيحبوا بعض ، حاجة شبه  A walk to remember نوعاً ما ..

الفيلم بطولة  Shailene Woodley (كانت مع Clooney في The descendants)  و  Ansel Elgort ، الاتنين تقريباً اول فيلم لهم كبطولة و داخلين ب3 أفلام السنة دي ماشاءالله :D   و معاهم الجميل  Nat Wolff .

الtrailer  بيبدأ بصوت Shailene  او Hazel اللي زي مابيقولوا بيداعب ودنك علي خلفية  موسيقية هادية

                               

                       

بعد كدة بتظهر بالbreathing tube اللي تقريباً بتتحرك بيها ف كل حته، و عجباني الحركة دي وكنت بصراحة فاكرهم مش هيعملوها و يخلوا السرطان مفاجأة مثلاً ف آخر الفيلم زي الكليشيهات المعروفة بس كدة أحسن بكتير

                                              

بعد كدة بتقابل  Augustus ، مش عارف مين ممكن مايقعش في حب الابتسامة دي مثلاً !  :)
                        



الفيلم اه فيه ضحك و لقطات في أمستردام،
                                     

بس فيه عياط كتييير هيخليك تدمع ف الإعلان، مش عارف أمال هنعمل ايه ف الفيلم نفسه !
                                     

                                     


والقنبلة المتحركة طول الفيلم زي مابتقول علي نفسها ، و بتنفجر ف الآخر -ع الأقل ف الاعلان معرفش هيحصل ايه فعلا-  :/
                                      


آخر لقطة طبعاً بالابتسامة الحزينة المكسورة و كلمة "Okay" اللي طبعاً انت بتحس عكسها تماماً
، OK ايه بعد مانكدتوا ع اللي جابوني :(

الأغنية بقي :
                                                                     All of the Stars 

اختيار المغني الانجليزي الصغير برضه  Ed Sheeran -أبو شعر احمر دا <3 -  كان موفق جدأ برضه زي اختيار ابطال الفيلم بالظبط ،

الموسيقي هادية و جمييييلة و أول جملة زي آخر جملة فيها ،
أحلي ما في الفيديو كمية الfan arts اللي عاملينها ناس حول العالم و باعتينها ليهم و معلقينها ع كل حتة ف الفيديو ....
وجود الرواية خلي للفيلم fan base كبيرة جداً اساساً ....

 "I'm miles away from seeing you , I Can see the stars from America, I wonder do you see them too"
أتمني مايكونش معناها انها هتموووت :( ،
دا مش Spoiler ، دا تفكير بصوت عالي مش أكتر  :D

في انتظار الفيلم بقي :)