Johnny Cash (2) (Hurt) - Review

هنتكلم بقي المرة دي عن خالدة الذكر   Hurt  ،
الأغنية اساساً كانت ل Nine Inch Nails  في 1995 بس غناها ناس كتير قوي بعدهم منهم الجميلة Leona Lewis  كمان،

الأغنية عامةً   واضح انها بتتكلم عن "إيذاء النفس" و الادمان و شويتين احباط ، بس هنتكلم عن دا تحت شوية ،


هنبدأ بالأغنية الأصلية لفرقة الindistrial rock  الأمريكية  NIN زي ماقلنا ،
https://www.youtube.com/watch?v=htmKZKR7oyc


 و دي الcover بتاعة Cash
https://www.youtube.com/watch?v=SmVAWKfJ4Go Cash لما غناها شال الchorus ال"حاد" دا و الجيتار "المزعج نسبياً" و خلاها ابسط بكتير.
هنا بطل الاغنية اصغر سناً و بيمر بإحباط برضه و مرحلة ادمان عشان يتخلص من مشاعره ،
ف الاغنية الاصلية دي في حاجة Cash  غيرها ف الverse التانية ، هما بيقولوها  "i wear my crown of shit"
طبعاً Cash مش هيغنيها كدة ، شالها و حط  "thorns" و دخلنا ف خطوط دينية كدة كمان ،
ف اغنية Cash البطل  -اللي هو قايم بدوره - كبير ف السن و بيفقد بسبب سنه احاسيسه و كمان قوته الجسدية و بيدخل ف احباط شديد  و مرحلة الندم ع اللي فات و اختايراته السيئة ،
حتي هتحس انك مصدقه قوي و حاسس بيه و هو بيغنيها و هتشوف ف عنيه اللي حصله لما ادمن الهروين تقريباَ ف الفترة دي و تعافي منه بعد مساعدة عيلته و مراته أولاً .
و اعتقد ان من اشهر اسباب نجاح الأغنية اعتقد انه Cash عملها قبل وفاته ف 2003 بشوية ، اساسا الفيديو بالأغنية كان يحسسك انها  خطبة وداع  !

و زي مابيقولوا  ...  Trent Reznor  كتيها اه ، بس  Cash هو اللي ادالها معني  ..

و ليلتكوا مزيكا حزايني بقي :)