Beyoncé - Beyoncé - Review

بعد انقطاع شوية بسبب الميدتيرمات ، هنتكلم النهاردة عن الألبوم الجديد ل Beyonce ....
مش هتكلم كتير عنها عشان هي اشهر من ان اي حد يتكلم عنها ، تقريباً اشهر و انجح فناني العالم و اكثر النساء تأثيراً حول العالم ،
و متجوزه Jay Z طبعاً و الاتنين تقريباً انجح زوجين ف التاريخ  ع الأقل من حيث المبيعات ، ما علينا من دا كله
ندخل ف المهم ، الألبوم نازل من فترة صغيرة كام شهر و عنوانه بنفس اسمها  - طالعة موضة نوعاً ما مؤخراً - ،

الألبوم عامة يعتبر pop و electro-R&B بس للأسف تخلت هنا عن الsoul اللي بالنسبالي احلي من كل دا عليها ...بس السوق يحكم
و لازم تنزل ف حتة Minaj  و غيرها عشان ماياكلوش الجو منها -و كإن دا ممكن مثلاً ! -  بس اغبي حاجة بالنسبالي كانت توقيته ، اخر اسبوغين ف السنة ، لو كانت استنت للسنة الجديدة كان هيبقي احسن جداً و كمان علي مستوي الجوايز ! بس هي أدري اكيد .

و أول اغنية معانا :

Pretty  Hurtshttps://www.youtube.com/watch?v=LXXQLa-5n5w

هي الوحيدة اللي تعتبر فيها neo-soul ، مش soul  صافي بس احسن من مفيش ،
و الsolo اللي ف أول الفيديو بالنسبالي كفاية ، 10 ثواني خرافيين من غير موسيقي بحبهم اكتر م الألبوم كله .
الأغنية بتبدأ ببداية قوية ، جملة  "what is your aspiration " و ردها " to be happy"   اجابة بسيطة بس تعتبر هدف الألبوم كله،
الأغنية طبعاً بتتكلم عن ازاي المجتمع الحديث بقي بيجبر الست علي السعي للجمال و الكمال، و كمية الضغوط اللي بتبقي عليها ،
بس بتلخص الحل كله ف " trying to fix something you can't see, it's the soul that needs surgery"
و ''perfection is a disease of the nation" ...
حتي دعايا الأغنية كانت جميلة زيها ، كانت عاملة موقع اسمه whatisbeauty.com و هاشتاج عشان كل واحد يشارك بمفهوم الجمال بالنسباله .


Drunk in love ft. Jay Z
https://www.youtube.com/watch?v=p1JPKLa-Ofc&feature=kp
عن نفسي مابحبش J.Z  مش عارف ليه ،  بس عموماُ الأغنية R&B و لايقة عليهم و هم بيغنوها سوا ،
الأغنية تعتبر تكملة للي قبلها  "Crazy in love"  ليهم سوا ف 2003  و عشان كدة هم بيغنوا لبعض حرفياً و عن النعمة اللي هما فيها انهم بيحبوا بعض و سوا  و تحديدا تحديداً عن الsex بينهم يعني ، بس حتة "I've been drinking watermelon"  اختلفت الناس عليها يعني بتعبر عن ايه :D
 و عجبني ان Beyonce بتغني rap  هنا ! و بتغنيه حلو جدا !
حتي الفيديو يعتبر documentary لعلاقتهم و حياتهم سوا .
اكتر حاجة بتميز الموسيقي هنا هي الTrap beats دي  و الintro  اللي مدي ع الهندي دا .
بس ضحكتني جداً حتة "gangsta wife" اللي غنتها ، نسبة لجوزها يعني :)
و مفيش احلي م الفيديو الأصلي غير لما غنوها سوا ف حفلة الGrammy awards
                          https://www.youtube.com/watch?v=LaVeoJt0jfI

و مش احتاج اكرر ان كل اغاني Mrs Cartet تقريباُ بتكون رقم 1 ف الUs charts   :)


XO

https://www.youtube.com/watch?v=3xUfCUFPL-8
أغنية فضائية ، فيها اجزاء من تسجيل الحادثة بتاعة تحطم سفينة الفضاء الشهيرة "Challenger"  ، و دا طبعاً ضايق اهالي ضحاياها بس هي اعلنت بعدها ان دي زي "attribute"  لهم اساسا .
المنتج الموسيقي لها هو Ryan بتاع One Republic -هتحس الشبه في الموسيقي- اللي تعاون معاها قبل كدة ف Halo ، و واضح ان فيه تناغم بينهم بيطلع درر.
حتي الفيديو جميل لدرجة تقشعر <3  ومع كلمات زي "i searched through the crowds , your face is all i see , i give you everything , bay love me lights out"  .... و "you better kiss me before our time is out"
الحب .vs المسافات .... الأغنية في كلمتين !

Flawless

https://www.youtube.com/watch?v=IBe9Vtodzg4
زي مابيقول المتحدث ف الأول ، واضح انها اغنية hip hop  ، و زي اتجاه Beyonce مؤخراُ اغنية مهداه للfeminists اللي هي نفسها بقت من اكبر داعميهم ، من ايام اغاني زي  "run the world /girls"
حتي الأغنية فيها اجزاء من خطبة او كلمة الfeminist النيجيرية  Chimamanda في مؤتمر TEDx
و طبعاً  "bow down" اللي ف الأغنية موجهة لكل ستات العالم ولسه بيجتهدوا عشان احلامهم .


Superpower ft. Frank Ocean
https://www.youtube.com/watch?v=BZytQYUytl0
أغنية بتجمع بين اتنين احلي من بعض ، وانا اساساً من دراويش Frank ،  اغنية بجد عميقة زي مابيقولوا و رتمها ناااااعم جدا.

فيها جمل قوية  زي  "when I'm standing in this mirror , what I'm viewing is a little different from what your eyes show you"
و المنتج الموسيقي هنا Pharrell  والله ماجصر ، مع موسيقي ال R&B  اللي وراهم دي كإنها طبقات ورا بعض كدة كملت روعة الأغنية .

No angel

https://www.youtube.com/watch?v=OQi1DqHWxyo
الغنا بما يسمي ال"استعراب" او الbreathy Falsetto  بيجنني ، جديد عليها و عملاه تحفة  ، مدية علي Mariah Carey كدة.
بتناقش المشكلات المعتادة اللي ف العلاقات من ملل و تحكم زيادة و كدة
بس فيها جمل عجباني زي :
'' no I'm no angel and I know I drive you crazy, but would you rather be with a machine who won't notice when you late or lyn"



نيجي بقي للينكات للي عجبه الألبوم وحابب يسمع الباقي :

التورنت:
               http://thepiratebay.se/torrent/9341906/Beyonce_-_Beyonce__[2013-Album][love_Rulz]

و الdirect links :
                            http://urbanmusichq.se/beyonce-beyonce-album/

و ليتلتكوا مزيكا دايماً  :)