Haim - Review

النهاردة هنتكلم عن فرقة الروك الأمريكية اللي لسه طالعة طازة  Haim ....
فرقة ال3 بنات الاخوات اللي Rolling Stone بجلالة قدرها كتبت عنهم انهم ازاي التلات بنات دول بقوا احسن فرقة ف 2013
 و دا مقال المجلة :   http://www.rollingstone.com/music/news/how-haims-three-geeky-sisters-became-the-years-coolest-new-band-20131112
الstyle بتاعهم عامل زي الsoft-rock بتاع السبعينيات مثلاً ، تحس ان Stevie Nicks عصرية بتغني !
خصوصاُ و انهم كاتبين و ملحنين معظم الأغاني، او "منتجينها موسيقياً" زي مابتتقال حالياً .

ندخل بقي علي الألبوم ، بعنوان  Days Are Gone

الألبوم ميكس من ال soft-rock  و pop rock  و  R&B  .

أول اغنية طبعاً  Falling
https://www.youtube.com/watch?v=AIjVpRAXK18
أقوي و اشهر اغاني الألبوم، دخلة الheavy drums البطيئة دي بعدين تدخل Danielle بصوتها القوي،
و "Haim"  اللي مستمرة علي مدار الأغنية زي ماتكون دي علامتهم خلاص حتي ف كذا اغنية كمان،
الأغنية نفسها عن حاجات كتير جداً،  ف الأول عن شعور انك عرفت خلاص انت عايز ايه او بتدور علي ايه، بعدين عن "الوقوع ف الحب" و عن انك ماتلتفتش لكلام الناس و تثق ف اختياراتك .
أغنية فعلاً بتثبت انهم من كاليفورنيا ، تحسسك بهوا الwestcoast  بتاع الصيف وانت طاير فيه.


The wire
https://www.youtube.com/watch?v=1TffpkE2GU4&feature=kp
اكتر  أغنية ملخبطة - مش كحاجة وحشة- بس فيها تنوع قوي خصوصاً علي مستوي الكلمات ،و احلي اغنية لهم بالنسبالي و اكثرهم "نضجاً"
الكورال اللي فيها sassy شويتين بس لو سمعتها مرة صوته هتلزق ف دماغك بغباوة !
الأغنية بتتكلم عن صعوبة الالتزام ف العلاقات اللي بتوصل لدرجة انها بتحس انها بتحب شعور انها تdump  حد او تفسخ علاقتها  يعني و خصوصاً لما الحب بيكون حمل عليها ،
و الفيديو بيترجم دا كويس جداً خصوصاً ف اخره لما التلاتة بيسيبوا صحابهم .

If I could change your mindhttps://www.youtube.com/watch?v=Ljg6g7BAdQo
اللي فهمته منها انها كانت مع حد بس مش واخده الموضوع جد يعني، و خانته ، بس بعد كدة لما هو سابها هي حست انه فارق معاها و ندمت و اتمنت انها لو تخليه يرجعلها ، جو اغاني حب التمانينيات دا بلمسة  R&B عصرية

كلماتها حلوة قوي ، عجبتني حتة زي " it took me time to realize, forgive my lying eyes , gonna give you all or nothing"
الفيديو لذيذ، طالعين هما التلاتة بيعملوا dancing routine خفيفة كدة بس حلوة، بس للأسف الوحيدة اللي مالقتلهاش اي فيديو live  !


Forever
https://www.youtube.com/watch?v=sEwM6ERq0gc&feature=kp
بحب قوي الكورال ف الأغنية دي ، بحسه قريب لTracy Chapman قوي مش عارف ليه ،
بان في حتت كتير مهارتهم ف العزف ع جيتار خصوصاً ف الsolos القصيرة نسبياً دي ،
بس برضه شبه استكمال للأغنية اللي فاتت، هو نسيها تقريباً خلاص بس هي مش عايزه تفقد الأمل  حتي مع انه قالها ان قراره دا هيكون "forever" و بتتخيل لو مع بعض لسه كانوا هيبقوا عاملين ازاي .
بس اجمالاً من اغاني الpop القليلة اللي نضيفة فعلاً مؤخراً ...
الفيديو كليب شوية بحسه عبيط كدة من حملة "هنركب عجل ل ثورة البنات :D "   بس فيه تفاصيل حلوة و الحاجات الindie  وشورتات قديمة و شغل حلو بصراحة :D

Don't save me
https://www.youtube.com/watch?v=kiqIush2nTA&feature=kp
اغنية fun و bouncy فشخ ، تحسك مزقطط وانت بتسمعها حتي لو مش مركز معاها .
المفروض ف الأول انها بتقولهم خليكوا بعيد شوية بس بعد كدة بتقول لنفسها مادام حبهم مش قوي قوي تبقي مش محتاجاهم اصلاً !
مادام مادافعوش عن حبهم لها و اتحايلوا او اتمسكوا بيها اكتر يبقي "بلاها" .
مع انها مش متفائلة زي باقي اغاني الألبوم ،  بس اغنية تبان فرايحي اكتر بكتير :)


ندخل ع اللينكات :

التوررنت:
                http://thepiratebay.se/torrent/8917490/Haim_-_Days_Are_Gone_(2013)

والdirect links :
                       http://sfshare.se/yr9ptoxfl84x

و ليتلكوا حلوة زي المزيكا دي :))