اجبار طفلة باكستانية ع الجواز كتعويض لجريمة خالها !

                              

آمنة، طفلة باكستانية عندها 11 سنة ، أجبرت ع الزواج لراجل اكبر منها ف السن 3 أضعاف ، عشان يسووا جريمة عملها عمها  !

العم اغتصب طفلة من قبيلة تانية، و عشان يراضوا الناس و يقفلوا الموضوع ادولهم آمنة يتجوزها اخو البنت اللي اغتصبها و معاها بنت او ابن عمها "زلحاج" -مش عارف اقرا الاسم  بصراحة :D -  من غير حتي ما ياخدوا رأيهم !
المهم ان كل القرف دا و جوازات اللي بالعافية دي غير قانونية اساساً طبقاً للقانون الباكستاني ، بس طبعاً زي باقي العرب، القوانين دي نبلها و نشرب مايتها :)

بس البنت الصغيرة بيقولوا ان حظها حلو عشان سمحولها تفضل ف بيت ابوها شوية كمان لحد ما"تبلغ"  !  يعني بياخدوهم كمان من قبل مايبلغوا عشان يبقوا خدامين ف بيوتهم لحد مايكبروا و يبقوا  sex toys  !  لا حظها حلو فعلاً ، هو حظها كان هيبقي حلو لو اتولدت وسط "بني آدمين" و ف دولة محترمة ، او حتي لو ماتولدتش خالص، اعتقد ان حظها هيكون احسن كتير  !

و دا لينك الخبر كاملاً

http://online.wsj.com/news/articles/SB10001424052702304049904579516031460017014?mod=e2tw&mg=reno64-wsj&url=http%3A%2F%2Fonline.wsj.com%2Farticle%2FSB10001424052702304049904579516031460017014.html%3Fmod%3De2tw