Justin Timberlake (20/20) - Review

النهاردة بقي هنتكلم عن احد اشهر و انجح و اجمل الفنانين ع كوكبنا دا ...
Justin Timberlake ، المغني و الممثل و الراقص و الموديل و صاحب fashion line و كاتب الأغاني و صاحب سلسة مطاعم
و اكتر ، و طبعاً لا يخفي عن احد بدايته مع فرقة 'N Sync
دا غير انه معاه 4  Emmy Awards و 9  Grammys  ، و  دا مش حسد خالص :D

هتكلم عن تالت و رابع البوماته اللي هو  the 20/20 experience اللي يعتبر نصين البوم في نفس السنة ، اولها و اخرها ،
هنتكلم عن الجزء الأول منه  و اللي  يعتبر عامة تصنيفه  new-soul/pop و R&B
                                       
                                               

Pusher love girl
https://www.youtube.com/watch?v=tgUCelKKqgo&feature=kp
اول اغاني الألبوم ، و هو اللي كاتبها و منتجها موسيقياً ، بصراحة مش لاقي مبرر انها تكون 8 دقايق و شوية  هي و اغنية Mirrors،
حلوين جداً بس فيه تكرار كدة بحس انهم نسيوا الأغنية شغالة مثلا  ، بس ما علينا من دا
هي مزيج حلو من الجنس و المخدرات ، كعادته يعني :)
بدايتها مسرحية كدة اشبه مايكون بأغاني  Sinatra و بعد شوية بتخل عالneo-soul  ، و ف الآخر كمان يتبقي hip hop و JT يعني rap كمان !
وبعيداً عن كمية المخدرات اللي قالها ف الآخر ، الأغنية اقرب لجو Frank Ocean  قوي .


Suit & Tie ft. Jay Z
https://www.youtube.com/watch?v=IsUsVbTj2AY&feature=kp
تحسها راقية ، زي الصورة دي كدة بالظبط :)
واضح -بالنسبالي- انها عن ليلة الفرح ، هو لابس ال"suit &tie" و هي لابسة  "that dress i like"
الأغنية بتبدأ بدخلة بطيئة و drums نايمة جدا او  زي مابيقولوا slow drawl  ، بس لحد ما بيقول "awoo"  كل دا بيتقلب بعد لحظة صمت و يدخل الgroove السريع ، يعني بالعربي كدة مليانة وقفات و دخلات و قفلات مختلفة :)
مش عارف احدد هل غنوها سوا احلي هنا ولا ف الGrammys و لا ف  SNL ... كلهم تحفة .
فيها جمل بيغنيها JZ حلوة جداً ومعانيها حلوة قوي زي "  tell your father we go further than a couple .
they didn't lose a daughter , got a son"  بس كلمات JT مش عجلاني ع الاطلاق .


Mirrors
https://www.youtube.com/watch?v=uuZE_IRwLNI
اغاني الألبوم دا طويلة بغباء بس دي فعلاً مكنتش عايزها تخلص :)
دي فعلاً مش مجرد اي كلام بيتقال علي groove ف الخلفية ، دي اغنية بجد و فيها كلام بجد ! طلع فيها كل اللي عنده فيها فعلاً.
الأغنية اساساً عن جده و جدته ، اللي بقالهم كتير طبعاً مع بعض بس جده جه ف الآخر و خانها ، و هي عرفت بس تداركوا الامتحان دا و عدوه سوا ...
مواقع كتير بتقول انها عن مراته هو J.Biel   بس جملة  "I don't wanna lose you now"  ماتمشيش ابداً غير علي اتنين في اخر عمرهم  ! مش مقتنع خالص بالتفسير دا .
الفيديو بتاعها خد السنة اللي فاتت احسن فيديو من  MTV ، و هو يستاهل الصراحة .
و طبعاً بجمل زي "you the love of my life"  تخليها اغنية افراح العصر الحديث  عن جدارة !


Don't hold the wallhttps://www.youtube.com/watch?v=MWd4BJRExNw&feature=kp
الأغنية علي مستوي الكلمات اقل م العادي ، الdaning club-type المعتادة ، و جو عايش اللحظة و ياليل طول شوية
و " asking the night not to hold the wall" ...
بس انا بحب موسيقتها جداً ... جو الoozy sounds  الهندي ف الخلفية علي ميكس ال R&B  والgroove و الrainsticks والtribal drums  دا فشيخ ،
و لمسة  الhouse  اللي فالآخر دي بتخلي الاغنية ملل ع الآخر ...  اردأ اغاني الألبوم بس بحب أولها مش اكتر ...


ندخل علي لينكات الألبوم :
دول لينكات الجزئين علي بعض ، و ابقي خلو الباقي للقعدة الجاية :)
التورنت:
        http://thepiratebay.se/torrent/9023953/Justin_Timberlake_The_20_20_Experience_The_Complete_Experience

والdirect links :
                    http://sfshare.se/esjm947cr3yd


وليتلكوا حلوة زي الحلو دا :))