Nirvana - Heart-shaped box - Review

الليلة هتكلم عن اغنية واحدة بس عشان قريبة شويتين من قلبي خصوصاً انها ف سنة ماتودلت  :D و تستاهل ليلة لوحدها أساساً ...
لفرقة  Nirvana اللي اتكلمت عنها قبل كدة و ألبومها  Nevermind
الأغنية دي single بعنوان  Heart-shaped box...
https://www.youtube.com/watch?v=n6P0SitRwy8

الأغنية نوعها  grunge  اللي هو يعتبر ضمن انواع الalternative rock ، و اللي كاتها  Kurt  لوحده ،و أحييه عشان فعلاً  كلماتها أكتر من عظيمة ... و فعلاً كل مابفكر فيها اكتر بتبقي حزينة اكتر و اكتر !

كعادة أغاني Kurt ، دايماً بتحمل كذا معني، عن نفسي اللي بشوفه انها عن واحد بيحب واحدة و بتموت م السرطان و بتكلم عن حزنه عليها و ندمه انه مقدرش يعملها حاجة ،
بس Kurt  نفسه قال انها مستوحاه من الأفلام الوثائقية اللي شافها عن الأطفال اللي بتموت م السرطان ...

أشهر جملة ف الأغنية طبعاً جملة  "I wish I could eat your cancer when you turn back"
جملة غريبة و عجيبة و حزينة و جميلة و رومانسية و مقرفة و كل حاجة ف الدنيا <3
بيتمني ان حبيبته كانت ترجع و انه كان ياكل السرطان اللي ف جسمها دا لحد مايخلصها منه ! فيه كدة !

فيه ناس بتقول لأ ، الأغنية عنه هو و Courtney و هو كان برج الحوت "Pisces"  و هي برج "السرطان" و عن مشاكلهم كبرجين غير متوافقين   و خناقاتهم لما بيقول  "Hey, Wait, I got a new complaint"  و ان ال heart-shaped box دا كناية عن  her vagina ، أو عن اللي كانت بتحط فيه جواباتها من حبيبها السابق Billy و دا كان بيضايق  Kurt ، بس دا بيدمر كل حاجة عجباني ف الأغنية ف مستحيل أقتنع بيه !

فيه ناس برضه بتشوف ان "Hey, wait I got a new Cobain " مش  Complaint زي ماحنا فاكرين ـ و انه بيغنيها لبنته الوحيدة   لما اتولدت .... و ان "forever in debt to your priceless advice" لCourtney  مراته عشان جابتله بنته .

بس بجد جمل زي "cut myself on an angel's hair and baby's mouth " و meat-eating orchids forgive no one yet" لاقين جداً علي نظرية سرطان الأطفال (الملايكة) اللي مابيرحمش ولا بيسيب حد .


بس اللي متأكد منه عموماً ان Kurt مش فارق معاه كل دا، هو مش مهم عنده كل الخلافات اللي ع الكلام دا و معانيه ، كل اللي يهمه الموسيقي و انك تحس الكلمات و الموسيقي و مش لازم تفهم أي حاجة ، هو دايماً كان بيقول مش عايز اكتر من كدة .

فيه مغنيين و فرق كتير طبعاً غنوها و عملولها covers بعدهم ، ابرزهم بالنسبالي Lana Del Rey بس الغريب انها بعد ماغنتها ف الحفلة كتبت علي تويتر -و مسحتها بعدها- ان الأغني دي عن  her vagina  .... بس محدش فهم حاجة عموماً يعني ولا ليه كدة يا حجة :D

كل مابسمع الأغنية دي حالياً ، بفتكر اللوا عبعاطي و أقول لفسي : " بياكل السرطان ، قبل ما يبقي اكل الفيروسات mainstream  حالياً و بيطلع منه كفته :))  "
ليلتكوا فل :)