Maroon 5: V - Album Reviews

نرجع تاني لل reviews بالعربي، و المرة دي معانا الألبوم الأخير -ورقم 5-  لفرقة الPOP الأمريكية Maroon 5  بعنوان  V -اللي هو 5 باللاتينية - .

                     

الألبوم عموماً زيه زي باقي ألبوماتهم بيتراوح ما بين pop ل electropop و  pop rock ،
و طبعاً أول أسبوع كان رقم واحد ف الcharts و لحد دلوقتي ف الtop ten albums للأسبوع الرابع او الخامس علي ما أتذكر.

ندخل علي أول أغنية:

Maps

 
https://www.youtube.com/watch?v=xj6fHiF8Osg

عاجبني فكرة ان الأغنية المفروض انها حزينة و مع ذلك موسيقتها وجوّها عكس كدة تماماً -pop rock  شويتين -، المفروض Adam Levine - المغنّي الرئيسي- بيندم علي اللي كان بيحبها بس ف نفس الوقت بيعترف بأخطاؤه وانه السبب ف اللي حصل.

الأغنية المفروض انه الhead بتاعة الألبوم و كمان كانت أول single تنزل،

الدخلة بالجيتار و كام حتة فيها كدة هتفكرك فوراً بأغاني الفرقة بتاعة بداية الألفينات. و حتي جمل كتير هتعلق ف دماغك بسرعة جداً و دا من أهم مظاهر نجاح أي أغنية عموماً اعتقد، زي مابيقلولوا عليها كدة infectious pop tone.

ولازم اعترف اني بحب جداً طريقته و هو بيقول "you" بيقولها ب"قرف علي مياصة علي دلع" بيخليها "yew" ، ودانك ماتقدرش تتجاهلها *.*

Animals

https://www.youtube.com/watch?v=qpgTC9MDx1o

أعتقد انه هيبقي كفاية قوي لو قلت ان Adam هنا بينتقل من الكلام -او بالأحري "عويل"- عن النزعات الحيوانية -من صيد إلخ..- للكلام عن لهجومه او مطاردته "الجنسية" لواحدة عجباه ... دا لوحده غريب كفاية و مش محتاج أشرح حاجة ف الأغنية أصلاً !

الأغنية ممكن ناس تعتبرها نسخة "حديثة معاصرة" لأغنية Hungry like the wolf للبريطاني  Duran Duran .

ممكن، بس مع شوية mix بين hip hop beats علي pop rock، مع  heavy drum loop عالي شويتين.

بس حلو التناقض التام ما بين أول و تاني أغنية دا -بس لو سمعتهم من بعيد مش هتحس بفرق كبير قوي مع ذلك!-.

طبعاً نحب نلفت النظر لآخر الأغنية لما فعلاً حرفياً "بيعوي" ... ربنا يوفقه بطبقات صوته اللي ملهاش وجود ف الوجود دي :D و خصوصاً كمان الchorus اللي اعتقد دي اعلي طبقات سمعتهم فيها !

اه صحيح، مش عاجبني خالص جملة "don't deny the animals that comes alive when I'm inside you" ، حسيته  crude علي asshole ف نفس الوقت، بس ارجع و اقول بص لعنوان الأغنية! :)

It was always you

https://www.youtube.com/watch?v=ubhkguhrYGg

 لو افتكرت ان ودانك هتستريح شوية تبقي غلطان، من أول صوته اللي بيطلع فجأة ف الهدوء "الأولي" دا لحد مايدخلوا علي الjam فعلاً. مفيش راحة او هدوء هنا خالص :) .

الأغنية موضوعها زي أغنية "رامي جمال" بتاع "قدامي طول عمري اللي حبتني مش عارف ايه"، آسف اني بستشهد بحاجة زي دي بس الموضوع دا ممل جداً بالنسبالي.، و اللأغنية عموماً مفيهاش اي جديد علي اي حاجة قدموها قبل كدة:

الأغنية  حبة techno علي  elecropop علي funk من التسعينات ولا التمانينات مش عارف، تحسه كدة mix لأغنية من أغاني عمرو دياب اللي بقي بيحط شوية اي حاجة علي اي خاجة تانية، الأغنية -حتي لوعجبتك- مش هتعرف السبب ولا هتفتكره لوعرفت.

Unkiss me

                                   

أخيراً حاجة هادية شوية، فيها vibe كدة مريحة و هتخليك مسرتخي شوية، خصوصاً و انه بيغني براحته هنا مش كله طبقات عالية و صريخ و بس. صوته كدة بيبقي حنين جداً و فيه texture زي مابيقولوا -او زي ما اعتقد انهم بيقولوا :v -
و الموضوع و العنوان نفسه أول حاجة شدني للأغنية ،  "Unkiss me, untouch me, untake this heart"  يخربيت الحزن !
الأغنية مدّية علي One Republic شوية اكتر ماهي مدّية علي  Maroon 5 و حتي Adam  نفسه صوته ف الlow notes شبه المغني الرئيسي بتاعهم جداً !


Leaving California

نتكلم إجمالاً الأول و نفسر بعدين، الأغنية دي بالنسبالي صوته فيها تحفه و كلماتها شغالة بس موسيقتها خرا - mix سخيف من ال pop و الrock أوحش حتي من بتوع  One Direction -، م الآخر يعني!
صوته هنا Falsetto  واضح قوي و في أحلي حالاته فعلاً !


Coming back for you

                            

جو تمانيات شوية - وان كنت احبها تكون اسرع سنّة صغيرة-  و الsynth مع ال drum loop كانوا بس محتاجين  chorus أقوي شوية . جو ال flash-dancing علي ما أتذكر؟
ف النص لما بيغنّي أسرع شوية بيبقي مدّي علي JT و ساعات علي MJ، و دي حاجة عظيمة لوحدها :)
الكلمات  catchy زي مابيقلولوا بس كانت محتاجة lyrics اكتر عموماً يعني .


My heart is open  ft. Gwen Stefani

أهدي mood ف الألبوم، و نصها تقريباً  "yeah yeah yeah" طويلة كدة  بطبقات عالية
كتير ف الأغنية كنت بتمني بصراحة Gwen تغنيها لوحدها،  Adam مش لايقة عليه و بوّظها خالص بطبقاته العالية الغير مبررة دي ! خصوصاً و انها كمان هي اللي بتعزف البيانو علي حسب ما عرفت.
اعتقد انها هي و Adam ف لجنة تحكيم  The Voice الموسم الجديد كمان.



Lost Stars

مش موجودة ف الألبوم الأساسي بس هتلاقيها  bonus في ال Deluxe-edition
الأغنية من فيلمه الجديد مع  Kiera Knightly بعنوان Begin again
الأغنية مالآخر أحلي من كل اللي فوق دول كدة مع بعض،مفيهاش غلطة واحدة!
و متأكد انها هتترشح ع الأقل للOscars ان مكانتش هتاخدها.
لو معندكش وقت تسمع/ي الألبوم كله، اسمع دي أحسن عشان الألبوم دا لو متابعهم يعتبر أسوأ البوم ليهم :/

و ليلتكوا موسيقي كالعادة :)