The Ice Bucket Challenge

فيه حاجة بدأت تنتشر بسرعة الصاروخ وبقت viral وسط حتي مشاهير الدرجة الأول، و هي ال Ice Bucket Challenge

التحدي هدفه نشر الوعي و التبرع للمنظمة الأمريكية  ALS اللي بتعمل علي الأبحاث ضد الأمراض و دعم الصحة و كلام علّيوي كدة بخصوص مرض معيّن اسمه  ALS ومقدرتش افهم اي حاجة عنه الصراحة غير انه له علاقة بالمخ  ...

التحدي عبارة عن حد بيتحدي شخص/أشخاص تانيين و في خلال 24 ساعة لازم يدلقوا حردل الماية و التلج دا علي دماغهم و يتبرّعوا ب10 دولار يا اما يتبرعوا ب100 دولار لل ALS .

كمية مشاهير مهولة تحدّوا بعض، من أول  Bill Gates لحد J Lo حتي ناس عادية بالآلاف ...
و رغم ان الفلوس اللي اتجمعت حتي الآن عدت ال15 مليون دولار، بس بعض الناس بتلوم الناس اللي بقت بتعمل التحدي ع طول بس رغم ان الهدف هو جمع فلوس اكتر، يعني ليه تعمله و تتبرع ب10 لما ممكن ماتعملوش مثلاً بس هتتبرع ب100 ؟
أينعم حتي الناس اللي بتعمله و تتبرع ب10 بتعمل بروباجاندا للموضوع ..
و أينعم طبعا فيه ناس حلوة كفاية لإنها تتبرع ب100 و اكتر و يعملوه كمان كحاجة fun ...

عندك مثلاُ  Charlie Sheen  بطل مسلسل Two &  Half men ، رش علي نفسه 10000 دولار و اتبرع بيهم في حركة حلوة جداً و اتحدي زميليه ف المسلسل  Chuck Lorre و الفشيخ Ashton Kutcher  انهم زي زيه !
                                   


و طبعاً العظيم  Bill Gates مافاتوش حاجة زي دي .... و اكيد المعلم هيعملها بحرفنة :))
                                   


و أهم واحدة عندي بتاعة شعنونتي  Lady Gaga  اللي تحدت  Adele و رئيس Forbes و حد تالت كدة مدير شركة كبيرة :D
                                   


و عندنا  بتاعة  Weird -Al Yankovic كانت مختلف وطريف كعادته :)
                                   


بس كل دا كوم و بتاعة Paul Bissonnette لاعب الIce hockey  الكندي كوم تاني خالص :)
he took it to a whole new level !
                                   


http://www.smosh.com/smosh-pit/articles/these-are-23-best-celebrity-icebucketchallenge-videos-so-far

في اللينك دا هتلاقي ناس تانية - و فيه اكتر لو دوّرتوا في related videos - من أول  J Timberlake ل Oprah ل R Downey Jr  و غيرهم كتير جداً ...


جتنا نيلة احنا و مشاهيرنا  :/