Remember Me - Game Reviews

أول لعبة هبتدي بيها، هي آخر لعبة لسه مخلّصها النهاردة الصبح،
 Remember Me  ... انتاج 2013 

                                   

للي حابين يعرفوا مواصفات اللعبة من ناحية المتطلبات عشان تشتغل و كدة ممكن يشوفوا اللينك دا،
ممكن تقروه بنفسكوا، دا مش هيكون محور كلامي هنا،
http://www.joystiq.com/2013/04/07/remember-me-pc-requirements-remind-you-to-prep-for-playtime/


اللعبة المفترض انها من نوعية ال Action/Adventures مع شوية  Mysteries ...
بطلة اللعبة Nilin ، زي منتوا شايفين Sexy شويتين وي ماعتدنا من منتجي نوعية الألعاب دي اللي بطلتها بتكون بنت، زي  Tomb Raider طبعاً .
المفروض انها بتصحي فجأة تلاقي نفسها مش فاكرة أي حاجة ف حياتها ، و بتحاول توصل لحقيقتها و ذكرياتها، و تكتشف ان ف الآخر أهلها اللي المفروض انهم كانوا عباقرة بقوا أشرار و اتحكموا ف العالم و البشر و ذاكراتهم و حولوهم لمسوخ ...

الجديد قوي ف اللعبة دي فكرة انك تلعب في ذاكرة حد، يعني تدخل عليها  و تشيل تفاصيل و تضيف تفاصيل بحيث تغير انطباعه عن حادثة معينة و ما الي ذلك، الموضوع ف الآخر بيبقي معقد قوي بس الموضوع ممتع جداً .

 نتكلم عن الميزات و العيوب :

The Good :
- اللعبة الجرافيكس بتاعتها حلوة جداً بالنسبة لحجمها اللي هو مش صغير برضه بس برضه ألوانها ممتعة .

- من بين كل وحوش كل مرحلة مقدرش انكر ان امتعهم كان  La Madame ، المكان اللي كانت فيه و كمية الخدع البصرية اللي فيه ممكن تزغللك بس ف نفس الوقت تستفزك بشكل حلو، الحلبة كانت معمولة بدماغ عالية فعلاً .

 

- فكرة الenergy regaining يكون بإنك تضرب حد -او تشحن من اجهزة في اماكن معينة- دي عبقرية،
يعني تضرب أعدائك و كمان تستعيد طاقتك !
الموضوع دا كله و خصوصاً ال combos  هنتكلم عنه تحت عشان دا من اكتر ما يميز اللعبة دي .

-الriddles اللي كانت بتيجي كل فترة دي حلوة برضه، مش عشان دي لعبة  action يبقي معناه انك متشغلش مخك يعني !

- الوحوش شكلها حلو جدا، مدّية علي  zombies شوية بس أعتقد دا المطلوب، و حتي الوحوش المتطورة كان شكلها  elegant فشخ!


The Bad :
- أول حاجة، نسبة  التنطيط و تسلق الجدران is too damn high !
انا كنت حاسس اني بلعب بقردة ! الموضوع زايد شويتين و ساعات بيكون ممل، خصوصاً في أول 20% م اللعبة وانت لسه لوحدك نسبياً و مفيش وحوش .

- فكرة الأبواب اللي بتفتحها و تقفلها ببعض دي حلوة برضه بس العيب ان كتير بتعلّق و تاخد وقت و كمان ساعات بتشوف اللي وراها بالغلط، و دا عيب اللعبة مش جهاز انا متأكد عشان انا شغلت عليه Watchdogs ماعلّقش لحظة !
و كمان سمعت الملحوظة دي من كذا حد .

- كمان الsuperpowers اللي بتتاح لها اكتبسبتهم كلهم عند حوالي 60%  م اللعبة، انا شايف ان دا كان بدري قوي و الموضوع مابقاش مغري قد كدة عشان أكمل باقي اللعبة،
عارف اني ف نفس الوقت اشتكيت من أحد لعبي المفضلة  Skyrim من العكس تماماً اني ماكتسبتهمش كلهم لحد ماللعبة خلصت و مالحقتش أطورهم، بس هو يا كدة يا كدة؟ مفيش وسط!

نيجي بقي لل Pressen Combos :

       

الضرب هنا ف اللعبة مش لأجل الضرب فقط، لا الموضوع معقد أكتر من كدة،
عن نفسي مافهمتش الحوار دا كويس وعرفت استغله و أطوره غير بعد يمكن 35% م اللعبة ،

الضرب هنا عبارة عن  combos بتكونها بنفسك، كل فترة بتتفتحلك حركة او ضربة جديدة من 3  categories
يا اما من النوع اللي بيستعيد طاقتك، يا اللي بيمتاز بالقوة ، يا cool down اللي بيقلل الوقت اللي بتحتاجه عشان تعرف تستخدم ال super powers او  S-pressens دي .
و انت عليك تجمع الحركات دي مع بعض او بالأحري ورا بعض عشان تعرف تعمل  combo  اكبر .
الموضوع دا  pretty handy  ...


لينكات اللعبة ، تورنت طبعاً :
                http://kickass.to/remember-me-pc-full-game-dlc-nosteam-t7482658.html