Ac/Dc_Highway to Hell - Album Review

أخيراً و بعد فترة انقطاع طويلة عن الmusic review ،
قررت ارجع تاني بقي بألبوم قريّب قوي لقلبي، و من أعظم ما انتجه الإنسان في مجال موسيقي ال rock !

                     

فرقة  Ac/Dc، فرقة rock n roll و  hard/blues rock استرالية، بدايتها كانت ف سيدني تحديداً ف السبعينيات .
الألبوم اللي معانا دا كان رقم 5 ليهم، و آخر ألبوم تقريباً ليهم مع الlead singer بتاع الفرقة  Scott ، قبل مايموت بسبب مشاكل له مع الشرب تقريباً، و كانوا هيتقفوا و يفركشوا الفرقة بس علي ما اتذكر قريت ان أهل Scott كانوا طلبوا منهم يكملوا .
أول أغنية طبعاً احد اشهر اغاني الrock ف التاريخ، بنفس عنوان الألبوم،

Highway to Hell
                                

الأغنية مش محتاج أقول، احتلت وقتها رقم 1 في كل الcharts سواء أمريكا ولا استراليا ولا انجلترا ،
الأغنية بتبتدي بriff عادي، سلس، بعد كدة بيدخل الكلام و معاه الكورال و بعد شوية solo من أفشخ الsolos في الدنيا رغم قصره نسبياً!
و من كتر مالفرقة عظيمة، لو ركزت هتلاقي ان مع كل دا مستخدمين بس جيتار واحد ! مفيش اي rhythm guitar ورا ولا حاجة و الbass  شغال لوحده مش عارف ازاي!

الميزة هنا ف نسخة الحفلة انه لما بيقول "and I'm going down" بيقول بعدها  Woah بتطلع منه فشيخة، للأسف مش ف الstudio version ، و زي ما قلت بادئين من السبعينات، فمتنتظرش تشوف شباب بيغنّوا :D
بالنسبة للكلمات بقي، الأغنية المفروض انها عن المتاعب و ال ups & downs بتاعت حياة أي حد، و ازاي وصلوا للي هم فيه،
بس طبعاً الكلمات مع العنوان طلعت عليهم اشاعات بالهبل من صنف "عبدة شيطان و satanists" و الجو دا لدرجة ان فيه ولايات كانت عايزة تمنعهم يغنوها، بس رفعوا قضايا و كسبوها طبعاً ...
بس واضح ان "highway to hell" اسرع من "stairways to heaven"  إف يوو نوو وات آي ميين :D



Touch too much 
                                 

بحب قوي بداية الأغنية دي، و الرتم بتاعها كله، بيفكرني بأغاني  Queen قوي مش عارف ليه، غالباً ال punky chord progression دا .
و الكورال هنا صوته مختلف، قوي، و مش متناغم بزيادة و دا عاجبني،
و طبعاً مش ناقص الmix دا غير صوت زي دا، و كلمات عن تجربة جنسية مع  wild woman - التفسير الحرفي لل filthy song - و تطلع أغنية عظيمة زي دي :)



If you want blood 
                               

الأغنية دي بدايتها بحس اني عايز اقوم أرقص، ازعق، اكسر أي حاجة، بدايتها بتملاني طاقة غريبة!
مع انها ضعيفة نسبياً بعد كدة مقارنة بباقي الألبوم، و مش هتفتكر غير بعض نوتاته العالية و هو بيغني، و الكورال العظيم برضه!
الغريب انها أغنية قديمة أصلاً مش عارف ليه ضموها للألبوم دا .
بس ارجع و اقول "IF YOU WANT LOVE, YOU GOOOOT IIIIIT"  وأقوم ارقص برضه !



Love Hungry man 
                              

 تعتبر  blues rock ، و ان كنت كل ماسمعها افتكر  Freddie Mercury جداً و شايف انه انسب حد ف الدنيا يغنيها .... only if ! :(
جميلة جداً لحد مالtempo  بيقل و يبطأ و تكون أحلي، بعد كدة مش عارف، فجأة بحس انها زفت ! كل مرة فجأة بلاقيني كرهتها او زهقت منها مع اني ببقي مستمتع جداً اللحظة اللي قبلها .



Night Prowler 
                              

مسك الختام للألبوم، دي بقي  blues rock  صافي، زي مابيقول الكتاب !
هادية، تقيلة كدة او  drag، و الsolos المنتشرة علي مدار الأغنية تعملَك احسن دماغ ف الدنيا !
وطبعاً مقدرش انسي القفلة العظيمة، ايه الصوت دا ! *_*
الأغنية كلماتها - مع انها عن زيارتك لبيت الgf بتاعتك - بس  twisted و creepy جداً و ممكن تعملك كوابيس أساساً وانت صغير.
بس انا شايف ان دي تنافس highway to hell علي صدارة الألبوم، اغنيتين أعظم من بعض .


ندخل ع اللينكات بقي للي عجبهم و عايزين يكملوا باقي الألبوم :

تورنت :
             http://thepiratebay.se/torrent/6340040/ACDC_-_Highway_To_Hell_(2003)_mp3_320    

direct links :
                      http://www.ulozto.net/xGbUNQa/ac-dc-highway-to-hell-rar

و سهرة سعيدة، صاخبة :')