كلنا "ملجأ مكة المكرّمة" للأيتام !

http://egyptianstreets.com/2014/08/03/horrific-child-abuse-in-egypt-orphanage-uncovered/


لسّه شايف فيديو لحيوان اسمه "أسامة محمد عثمان" مدير ملجأ "مكة المكرمة" للأيتام في الهرم في الجيزة،
الفيديو المتسرّب عبارة عن حيوان شحط نازل ضرب بشع في شوية اطفال ماجيبوش 6 سنين ، ضرب بالعصيان و بالشلّوت، وشتايم ولا فارق معاه ضعفهم ولا عياطهم ولا حتي سنهم ...
انا عدت المشهد كذا مرة -مع ان دا تعبي نفسياً-  عشان افهم حتي ايه السبب -و اياً كان مفيش اي سبب يسمحله بده بس مجرد فضول-، كل اللي فهمته ان حد لعب ف التليفزيون او غير القناة، حاجة كدا !

واللي يغيظك ان جريدة معفنة زي "المصري اليوم" اللي لقيتها ناشرة الخبر من شوية نشرت أول حرف من اسمه و مانشرتش اسم الملجأ ... مع انها فالحة بس تعيّن admins حيحانين علي موقعها و صفحتها من نوعية "انظرقبل الحذف فنانة تقلع ملابسها"
و جايين علي حيوان زي دا و مش عايزين يفضحوه !
وطبعاً طبعاً اللي صوّر الفيديو دا مش بعيد يتجاب و يتسجن هو كمان،زيه زي اللي صوّر فيديو الاغتصاب او اي فيديو تاني، بدعوي الاساءة لمصر مثلاً -وكإنه جاب حاجة من عند امه مثلاً - مش البلد هي اللي وسخة أساساً  !
واللي يغيظ أكتر ان كل الأهالي اللي شافوا فيديو زي دا و بيتضايقوا و كدة بيكون كل اللي فارق معاهم ان دا مش ابوهم عشان يعمل كدة!
معظم الأهالي المصريين و العرب بيعملوا كدة اساساً ! و شايفينوا انه حقّهم اصلاً مادام "بيربّوا ولادهم" !
انا شخصياً شايفها مجرد تطور ل"اضربوهم علي سبع" مثلاُ ، و ممكن كمان "فاضربوهن" ، مهو الستات اللي بتتضرب "مش بالسواك بس" بتبقي معقدّة برضه و بتطلّع غلّها في العيال ! و اسم "مكة المكرمة دا مش صدفة او من فراغ، دا تبع متلازمة النقص اللي عندنا  !
عالم مريضة وناقصة أساساً  ! لو كانوا في دولة نص محترمة كان زمان كل الأهالي دول مسجونين و ولادهم ادولهم لعائلات محترمة و عندهم "انسانية" !
امشي ف أي شارع، ادخل أي مدرسة، ادخل أي بيت عربي/مصري ، مش هتلاقي زي اللي ف الفيديو دا؟ أتحداك !
مصر كلها عبارة عن ملجأ "مكة المكرمة" كبير شوية !!