Thursday Movie Buzz (6-15)

الاسبوع اللي فات معرفتش اكتب حاجة ، عشان كدة الاخبار المرة دي هتكون كتيرة شويتين بقي

أول حاجة معانا هي الtrailer بتاع الجزء التاني -بعد غياب عشرين سنة- من الفيلم المسخرة  Dumb and Dumber
بطولة الرائع  Jim Carrey و Jeff Daniels ،
الاعلان باين منه ان المستوي ماقلش خالص و غالباً هيكون ف نفس حلاوة الجزء الأول -الواحد حس انه عجز بعد 20 سنة دي !-
و ظريف جو انهم كاتبين بعده "to" مش "two"  :)

                                         



تاني حاجة معانا كوميدية برضه، من القائمين علي الفيلم الخالد "This is the End" ،
اعلان الفيلم الجديد للثنائي المفضل عندي  James Franco و  Seth Rogan  بعنوان  "The Interview"
الفيلم بيظهر فيه شبيه لKim Jong  بتاع كوريا الشمالية و المفروض انهم عميلين أمريكيين عايزين يغتالوه
و دا ف حد ذاته كافي انه يعمل فيلم مسخرة :D
 و اتمني يكون ف مستوي  The Dictator عشان انا رابط بينهم مش عارف ليه

                                         



ومعانا حاجة من  Marvel اللي شخصياً بقيت بكرهها اكتر من اي وقت بسبب الخرف اللي بتعمله،
و trailer جديد للفيلم -اللي مش قادر احدد موقفي منه لدرجة اني مش عارف احدد هو بجد ولا بارودي -  Guardians of the Galaxy
الإعلان بصراحة احسن من اللي فات بكتييير و نوعاً ما نجح اني يخليني اكلمه للآخر عكس الاعلان الأول

هنكمل مع  Marvel   
ولقطات جديدة من تصوير الجزء الجديد من  Avengers بعنوان Age of Ultron
مصورين فيها  Thor و هو -المفترض- بيستدعي البرق كالعادة بالمطرقة بتاعتة

http://www.cinemablend.com/new/Watch-Thor-Call-Down-Lightning-Avengers-2-Set-Video-43456.html




وخبر جديد عن الفيلم الجديد  Batman Vs Superman اللي كل الناس مختلفة حواليه -حوالي 90% مش عاجبهم و 10% عاجبهم منهم انا بصراحة متفائل جدا بالعك اللي هيحصل -
و اختيار جديد للcast  مع Jason Momoa من  Game of Thrones للقيام بدور  Aquaman  في الفيلم،

                                    



وطبعاً محدش يقدر ينسي trailer الفيلم المنتظر للمخرج المكسيكي المتميز Alejandro Gonzalez Inarritu صاحب  Babel و غيره ،
الفيلم بطولة  نجوم زي Emma Stone، Edward Norton ، Michael Keaton و Naomi Watts
و بيحكي عن ممثل كان ناجح في دور معين ف السينما و نجمه اتطفي و بيحاول يتنازل عن كبرياؤه  و يعمل دور اصغر في مسرحية .
                               



و من عظيم لأعظم، مع الفيلم الجديد ل Denzel Washington   بعنوان The Equalizer
بيمثل فيه دور ظابط متقاعد او زور مشهد موته عشان يعيش حياة هادية، بس بيضطر يرجع عشان ينقذ واحدة صغيرة و هكذا بقي
معاه ف الفيلم  Chloe Grace Moretz  بطلة  Carrie السنة اللي فاتت

                                



مسك الختام بقي مع  American Horror Story الموسم التالت اللي هيكون بعنوان  Freak Show
و كالعادة معانا  Sarah Paulson و المرة دي عاملة دور واحدة براسين !
او ع الأقل دي الصورة اللي رفعتها عTwitter و كتبت فيها انها هتقوم بدور  Bette & Dot