Orange Is The New Black - Series

لسه مخلص امبارح مسلسل  OITNB  الموسم الأول و التاني،
و بصراحة من ساعتها وانا عمال أفكر اكتب ازاي عنه ، أول مرة أحسن ان حاجة اتفرجت عليها ملتني بكمية مشاعر ملهاش نهاية كدة لدرجة اني مش عارف أعبر عنها ازاي خصوصاً وانها كلها ملخبطة و متشابكة.

للي مايعرفش الplot الرئيسية ، هي عن واحدة عادية متعلمة عايشة مع خطيبها و بتتسجن سنة عشان جريمة تهريب مخدرات عملتها من 10 سنين  مع حبيبتها السابقة و بنشوف حياتها بقي ف السنة دي علي مدار المسلسل .

مش عارف لسه أحكي عنه ازاي من غير ماحرقه عشان كل الناس عادة بتكره الspoilers ، و مش عارف لسه هناقشه review  لموسم موسم ولا حلقة حلقة .
بس احساس غريب قوي انك كل دقيقة تتعاطف مع حد و اللي بعدها تكرهه،
تشوفها أحسن من كل اللي ف السجن و فجأة تحسها أوحش منهم كلهم، الحراس هم اللي حابسين المجرمين ولا هم اللي محبوسين؟
كل واحد بياخد قلم بيرده لواحد تاني، و الضحية بتبقي جلّاد للضحية اللي بعدها.
شفت كتير مسلسلات عن السجون زي  Brison Break مثلاً إلخ ، بس عمر ما حسيت حاجة متشعبة قوي كدة ف المشاعر،
أينعم سجن نسا و الlesbian sex  فيه للركب، بس حتي دا ماتعرفش هل هو وسيلة لإرهاب الآخرين؟ رغبة؟ تنفيس عن الكبت و الضغط اللي عليهم؟

هسيبكوا مع ال trailers و لو حد عنده رأي عن ازاي يحب اناقش المسلسل كحلقات ولا كموسم كامل و هل احط spoilers  عادي ولا من بعيد ، ياريت يكتبلي :)