Of Monsters and Men - My head is an animal (Album Review)

هنرجع تاني بقي للموسيقي بعد فترة الانقطاع دي،
 و النهاردة هتكلم عن فرقة الIndie Rock/Folk/pop الأيسلندية  Of Monsters and Men
أكتر حاجة بتميز الفرقة دي وجود اتنين lead singers ، ولد و بنت، و دا قليل جداً مقارنة بالباقيين.
Nanna و Ragnar ، تقريباً هما اللي كاتبين معظم الأغاني، الا ان صوت  Nanna مميز اكتر من صوته، تقريباً من اجسن الfemale vocalists الي سمعتهم.
                                
معانا أول ألبوماتها الstudio و آخرهم علي حد علمي حتي الآن، -مع اغاني live و كام single -
الألبوم بعنوان  My Head is an Animal

ندخل بقي ع الأغاني:

Dirty Paws

                            

الأغنية دي للي شافوا الtrailer  بتاع  The Secret Life of Walter Mitty  هيتعرفوا ع الأغنية دي فيه ،
الأغنية تستاهل تكون بداية للألبوم ، -أول 3 أغاني عموماً كلهم تحفة-
و مع الكلمات اللي بتحمل أكتر من معني و الموسيقي المناسبة جداً لها بتاخدك و تروح عالم تاني او اكتر من عالم بقي علي حسب انت هتفهم م الكلمات ايه .
الأغنية عن عن الحياة و التقدم ف العمر و كدة، هنقول انها هنا حرفياً مثلاً عن "كلب" صغير، الكلب دا كان متعود ياكل الثمار و الحشرات و اي حاجة عند العشب القريب منه لحد ما مرة شاف  Dragonfly جري وراها لحد ما لقي نفسه ف الغابة لوحده
و بيلاقي عش عصافير بيحاول يهجم عليه بس حيوانات تانية بتاكله هو و العش و الحشرات بتموت،
و بترجع الdragonfly ف الآخر تاني للمكان اللي شافت فيه الكلبة تاني ..
فيه كلام غريب كدة عن انها عن ازاي النحل اختفي من آيسلندا و رجع تاني عن طريق النرويج، بس انا معرفش حاجة عن تاريخ دي ولا دي بصراحة .



King and Lionheart
                         

الفرقة دي مش عارف أحدد موسيقتها أحلي ولا كليباتها، شغلهم بسيط و جميل قوي، و فكرة الفيديو رقيقة و حلوة جداً
و صوت  Nanna ف الدخلة جميل و مريح جداً
الأغنية عن "قلب الأسد" و ازاي هو/هي أقنع الملك و شجعه انه يصمد قدام غزو لجيش جاي يحتل بلدهم، و بيتخطفوا بس بيهربوا بعد كدة ف البحر
اللي عاجبني قوي جملة بيوصف فيها السحاب بعد مارجعوا بلدهم وسط زحمة المرحبين بيهم/
" and in the winter night sky ships are sailing, looking down at these bright blue city lights"
مع الفيديو كانت حلوة جداً و مناسبة .
الأغنية ممكن برضه تكون عن الحب عموما و ازاي بيديك الشجاعة قدام اي حاجة ، خصوصاً حتة " you're the king and I'm a lionheart" بتحسسني بكدة قوي .



Mountain Sand
                           

بحب قوي الموسيقي هنا ... مابزهقش منها أبداً مهما أعيدها بكتشف فيها جديد .
أعتقد الأغنية دي بتتكلم عن الParanoia ، البطل هنا بيجري، بيهرب من شعوره بالذنب بسبب حاجة عملها و فاكر انه ضر ناس كتير و مش هيتقبلوه تاتي، و بقي خايف حتي من خياله لدرجة انه حرفيا بيتنقل بالليل و بيستخبي بالنهار
بس لحد مابيهدا و يعيد تفكيره و يحط نفسه مكان التانيين بيلاقي انه ممكن يسامحوه و انه جه علي نفسه بزيادة
الأغنية عن عدم تهويل القرارات، فيه حاجات مهمة آه، بس مش نهاية العالم لو اخترت غلط !



Little Talks
                          

أشهر اغنية للفرقة تقريباً ،
كالعادة فيديو كليب لما تشوفه أول مرة مش هتسمع موسيقي ولا كلمات من حلاوتة و هتحتاج تشوفه تاني عشان تركز فيهم،
ألوانهم الأبيض و أسود مع كام لون ليطلعوا ساعات  saturated  بزيادة بخلي الtexture غنية جداً  زي مابيقولوا !
Nanna قالت عن الأغنية دي انها مستوحاه من تجربة ليها لما نقلت من بيت عشان تعيش ف بيت تاني،
و بتقول انها عن اتنين بيحبوا بعض بس زهقوا و مشاكلهم كترت بسبب ان "maybe one person isn't hearing the other one"
بس ف نفس الوقت مش قادرين ع البعاد عن بعض ، زي مثلاً " sometimes I can't even dress myself"
و أحلي حتة:  "just let me go, we'll meet again,  No wait wait wait for me Please hang around, I'll watch you fall asleep " !
كالعادة... الحب لخبطة .
..................................................
اللي مستغربه ان الألبوم أطول من المعتاد بالنسبة لأي البوم أول لأي حد  - 13 اغنية حوالي 56 دقيقة - . بس هو ألبوم موسيقته و كلماته حلوة وجديدة جداً .
                           
ولسبب مش فاهمه، بحس ان الألبوم دا بيتلعب قدامي، مش live و متسجل ولا  Studio، حاسس انهم قدامي
و دي حاجة محستهاش قبل كدة مع اي ألبوم studio .


الألبوم كامل بقي للناس اللي عجبتها الأغاني:

torrent:
                http://kickass.to/of-monsters-and-men-my-head-is-an-animal-2012-album-sw-t6496709.html


direct links:
               http://www.ulozto.net/xfKfr72/my-head-is-an-animal-zip


و ليلتكوا موسيقي حلوة دايماً   :)