السودانية مريم ابراهيم تاني، أو تالت !

فاكرين السودانية مريم ابراهيم اللي كانت محبوسة حوالي 8 شهور و حكموا عليها بالإعدام عشان تحولت للمسيحية -مع انها اساساً كانت مسيحية بس ع الورق مسلمة عشان ديانة والدها مش أمها- ؟
فاكرين لما محدش من العرب بتوع "الغرب بيضطهدنا دايماً واحنا مسلمين متسامحين" محدش عبرها و سابوها مرمية ؟
فاكرين لما محدش عبرها غير النشطاء الأجانب و الدول المحترمة لحد ماضغطوا علي السودان أخيراً انها تفرج عنها بعد ماسابتها تولد و هي ف السجن؟

آدي السودان "النصف المسلم" بالأحري ، بيدي كل دول علي قفاهم تاني، و بيعيدوا القبض عليها بتهمة التزوير !
و كإنهم بيقولوا " مش عايزينها قانوني؟ اعترضوا بقي و اثبتوا انها مزورتش ، و سهل لو طلعتوها برائة نلاقيلها تهمة جديدة، ازدراء اديان اي حاجة مش هنغلب" !

واحدة العالم الغربي كله كان متعاطف معاها، هتزور ورق ايه عشان تسافر؟ دي لو شاورت لأي دولة "محترمة" هتجيبها لحد عندها و مش بعيد يدوها جنسية كمان - طبعاً هيقولوا بقي خاينة و الكلام الخايب بتاع اتعذبي ف بلدك بس ماتسيبيهاش و الهبل دا- !

كل مالواحد بيلاقي "بصيص" أمل ف البلد دي بيطلع مجرد سراب لضلمة أكبر بكتير !!
مفيش فايدة !


لينك الخبر:
http://edition.cnn.com/2014/06/24/world/africa/sudan-christian-woman-arrest/