The Fabulous Johnny Cash (1) - Review

النهاردة هيكون عن العظيم و الجميل جداً  Johnny Cash  ، المغني و الكاتب و الممثل الأمريكي ،
مغني الCountry music والfolk  والrock&roll  ،اللي يعتبر من اكتر الفناناين تأثيراً ف الموسيقي ف القرن العشرين ،
اللي فاز بأكتر من country music award  و Grammy  و موجود ف الCountry music & Rock and roll hall of fame .
مش فاكر سمعتها من مين بس بجد تحس انه مبعوتلنا عشان "يطبطب علي البشري"  <3

هتكلم عن البوم The Fabulous Johnny Cash  اللي اول نزول له كان ف 1958 و نزل منه نسخ تاني ف 2002 ،

           

I still miss someone
https://www.youtube.com/watch?v=dkgsgAsKtLs
الأغنية من كلماته هو و قريبه Roy ،
الاغنية ماتعتبرش رومانسيب قد ماهي عن اختفاءها المتمثل في اختفاء حبيبته ،
اتعملها covers من ناس كتير جداً بس محدش قرب حتي من حلاوة دي ـ
فيه نسخة مانزلتش وقتها لCash و هو بيغنيها مع Dylan .....  حاجة جميلة فشخ
https://www.youtube.com/watch?v=fOA0Eqa4dC4


Don't take your guns to town
https://www.youtube.com/watch?v=KMMp_llzBT4
الأغنية من كلماته لوحده ، كانت من انجح اغانيه مع انها مش من احسنها، بس اعتقد بسبب كلماتها و توقيتها ف الزمن دا،
الاغنية عن  cowboy شاب مستعجل كالعادة ف انه يبقي "راجل" و شد مع حد تقريباً و راح يجيب سلاحه م البيت و مامته شافته و بتقنعه ماياخدهوش ، و بيعند و يروح بيه و يتقتل ف الآخر ،
الأغنية low key  تقليدية جداً بس مؤثرة برضه !


Mama's Baby
https://www.youtube.com/watch?v=G1t5go28Bs8
الاغنية دي لذيذة قوي ، بحب كلماتها و موسيقتها الراقصة قوي دي ،
كلماتها عن واحد شاف واحدة صغيرة نسبياً و حبها قوي و طلب يتجوزها فوراً
بس المشكلة انها مش قادرة اسيب مامتها لوحدها ، ف قالها انه راجع كمان سنة و لما رجع كانت جاهزة و كل حاجة بس مقدرتش تسيبها برضه ،
ف المحاولة التالتة راح لمامتها و وافقت بس بعد ماعاشت معاه كل يوم بتروح تبات عند مامتها برضه عشان هي  "Mama's Baby"


Supper timehttps://www.youtube.com/watch?v=PsM7TiDcnko
الاغنية دي هترجعك عشرات السنين ورا و تحس وانت بتسمعها انك شامم ريحة اكل مامتك وانت صغير، و ازاي كان بياخد الأكل و يتفرج ع السما و هي بتضلم ـ
بس بعد كدة بتاخد منحني تاني لما بيتكلم عن بعد الموت لما كل الناس هتاكل سوا مع "الرب"  في الجنة ...
اغنية لذذية ولو كنت مابحبش اخرها :D


Cold shoulder

https://www.youtube.com/watch?v=zh7phx8m2ug
من اقصر اغانيه و اكترها عبقرية ...
عزف الجيتار مالوش حل ! ازاي بيتحول كدة مع الاغنية كإنه صوت اقدام الحصان؟ تحس انك راكب الاغنية و مسافر حتي لو لدقيقة ونص !
الاغنية حاسسها مرتبطة باللي بعدها او اللي بعدها مترتبة عليها ، ازاي مطنشاه حبيبته وراكبة الحصان و راحت لل"أفق" و سابته من غير مايلحق يقولها انه بيحبها حتي !


لينكات الألبوم بقي :


التورنت:
               http://kickass.to/the-fabulous-johnny-cash-1958-24bit-96khz-official-download-t8881853.html


ألdirect link:
                         http://www.bearshare.com/music/Johnny+Cash/The+Fabulous+Johnny+Cash/


و ليلتكوا مزيكا حنينة بقي :))