The Eagles - Review

هنتكلم النهاردة عن الفرقة الأمريكية  Eagles  ..... فرقة الrock , soft/hard rock , rock'n'roll  و country/folk rock  ،
بتوع الروك من بابه يعني :)
فرقة ال 5 Grammys و 6 AMA   ...
بدأوا ف اول السبعينات و انفصلوا للأسف ف 1980 بس رجعوا تاني بعد ماتولدت بسنة ، ماهانش عليهم برضه طفولتي تكون من غير موسيقتهم :D ، رجعوا سنة 1994 و مستمرين لحد دلوقتي و لسه من سنة بدأوا ال Eagles history tour بتاعتهم حول العالم ...



هنبدأ طبعاً بخالدة الذكر  Hotel  California

https://www.youtube.com/watch?v=h0G1Ucw5HDg&feature=kp
اللي كانت من انجح الاغاني ف التاريخ مش ف تاريخهم بس ، Rolling Stone اختارت الالبوم -اللي كان بنفس العنوان - من ضمن اعظم 500 البوم ف التاريخ و كان رقم 37 ....
الاغنية بتتكلم عن "كاليفورنيا" السبعينات  -من نظرة خارجية- مكان الشهرة و "المخدرات" و الفلوس ,
بس طبعاً زي ما قال   " you can check out anytime you want, but you can never leave"  !



Witchy woman

https://www.youtube.com/watch?v=F0POQAbDCiM

الاغنية  blues rock و ما يسمي ف امريكا و كندا بالNavanjo  ....
انا عارف ان الناس بتزعل لما كل اغنية عظيمة يتقال ان لها علاقة بالمخدرات ، بس نعمل ايه يعني !
الاغنية عن واحدة مغرية بتنام مع كل حد و مقطعة الدنيا و تقريباً موتت حد من "معجبينها" او boy toy" و جننت نفسها بالهيروين ،
طب هو جملة " and she drove herself to madness with the silver spoon"  لها معني تاني؟
بس هو عموما من غير استنتاجات ، ويكيبيديا بيقول انهم كتبوها عن الروائية Zelda  Sayre ، بس ع الاقل بتتكلم ف جزئية عن المخدرات .


Victim of love
https://www.youtube.com/watch?v=uVmx3MOyhdg&feature=kp
اقرب اغنية ليهم لقلبي ، و احلي موسيقي و رتم سمعته منهم ،
اعتقد اني سمعت قبل كدة انه كتبها لحبيبته السابقة  المغنية Stevie Nicks ،
بس عموماً كلماتها عن الحبيبة المشاغبة اللي هي بتطلع روحك و مابتبلش ريقك ابداً دي ، و بتغيظك كمان بالرجالة اللي حواليها ، وانت يا عيني ماتقدرش غير انك تفضل تحبها :)



Heartache tonight 
https://www.youtube.com/watch?v=snPgFNMCXBs&feature=kp

اغنية جملة جدا hard  علي country rock   ، موسيقتهم اللي مايعلاش عليها ابداً ،
و الكلمات اللي تحس انك ف بار ف الغرب في تكساس  و بتتفرج ع الخناقة بنفسك !
خدوا عليها وقتها الGrammy احسن اغنية لفرقة روك ،  و وصلت رقم واحد ف الhot 100  !


Best of my love
https://www.youtube.com/watch?v=EaO-kgG7eCQ
اغنية  soft rock .... مش عارف ليه مابحبهمش ف النوع دا ، و الاغنية دي بالذات مش عجباني ـ
الchorus مش عاجبني  ، sweet اه بس مش ماشي مع بعضه ، مش حاسس تناغم بينهم
بس لما تتعود عليهم و توصل لنصها كدة هتحبها نوعا ما خصوصا و ان كلماتها حلوة برضه


Desperadohttps://www.youtube.com/watch?v=kCdjvTTnzDU
دي اه soft rock  بس ، بس جميلة جدا و عجباني جدا جدا ،
اغنية عن الحب و العلاقات و كدة ، بس كلماتها مش مملة ولا الmetaphors مكررة
خصوصاً و هو بيقولها " queen of diamonds"  عجباني الحتة دي بالموسيقي بتاعتها ...



Hole in the world
https://www.youtube.com/watch?v=haNpuHZam40
اغنية جميلة و حزينة و دافية ـ كانت معموله لذكري 11 سبتمبر الحزينة ...
و اداؤهم فيه جميل بشكل معتقدش ان حد من اهالي الضحايا سمعها هناك و مقعدش يعيط  ...
بس المشكلة مابقتش خرم واحد بس ، العالم كله اتغربل :3


James Dean

https://www.youtube.com/watch?v=7guzEuV7j9c&feature=kp
مسك الختام ، اغنية تجمع كل الgenres اللي غنوها مع بعض ،
اغنية خفيفة و ظريفة جدا ، تشبة جو chuck berry  كدة ،
طبعاً واضح انها بتتكلم عن الأيقونة الممثل  James Dean .... و عن طيشه و طريقة حياته السريعة ف كل حاجة
و جملة " too fast to love, too young to die "    دي  sums it all   .



لو عجبكوا بقي و مكسلين تدوروا ع لينكات الابوم كامل :

التورنت:
                      http://thepiratebay.se/torrent/8310600/The_Eagles__Greatest_Hits_2013


والdirect links اللي بتطلع روحي  :
                                http://mp3lemon.org/artist/2171/         


و ليلتكوا مزيكا دايماً  :')