للأسف انا اتأخرت عشان الجامعة ـ ف مش هقدر اتكلم غير عن اغنيتين :s
النهاردة هنتكلم بقي عن المغنية و كاتبة الاغاني و عازفة الجيتار الأسترالية Courtney Barnett ،
اللي معروف عنها اسلوبها المختلف تماماً او زي مابيقولوا " الجامد" من الجمود يعني ، حاجة زي "ياسمين حمدان" عندنا بس طبعاً مش بالبلادة دي !
بحس انها النسخة الfemale من Kurt Cobain .
بدأت من سنتين كدة و اول البوماتها كان السنة اللي فاتت و تم ذكرها ف ال Rolling Stone و الNew York Times ك standout performer .... بس افتكر انها قبل كدة في حوار لها مع Pitchfork قالت انها مش عابزة الناس تفهم غلط ان دا ألبوم!
معظم اغانيه بتشترك في نفس الدخلات ، يا بتبدأ بعزف مشوش كدة ع البيانو او زي مابيقولوا "woozy" و الباقي دخلاته ع الجيتار بس برضه متشابهين جدا ...
نيجي للأغاني ،
History eraser
https://www.youtube.com/watch?v=k6_G5PlEXdk
اغنيتي المفضلة هنا و اللي شدتني لأول مرة للألبوم ،
تحس انك ف رحلة سريالية كدة شبه اغاني "Bob Dylan" كدة ،
حتي كلماتها حادة قوي و لازعة كدة زي "i wish i still had friends in art school so i can make fun of them by rhyming "party , cool" with arty school
فيه ناس هيشوفوها سخيفة، و دي مش حاجة غلط، بس سخافتها ممتعة
و طول الأغنية دي عكس باقي الالبوم، مش محتاجة تقوم من سريها حتي، الاغنية زي "حلم يقظة في حالة سكر" كدة .
ِAvant Gardner
https://www.youtube.com/watch?v=bcnIhzaDTd0
تقريباً اشهر و انجح اغنية ف الالبوم ، و الوحيدة تقريباً اللي دخلتها مختلفة ،
الأغنية كلماتها twisted جداً ! ، بتبدي تغني و المفروض انها عاطلة و بتحاول تنضف الyard بتاعتها عشان متبهدلة و جيرانهم قربوا يفتكروهم "running a meth lab" و بعد كدة بتجيلها نوبة "الربو" ، و بتصحي تلاقي نفسها ف عربية الاسعاف و بتتمني انها مكانتش قامت من سريرها طول اليوم احسن !
فيها verses جديدة قوي ومختلفة زي " the paramedic thinks i'm clever coz i play the guitar, i think she's clever coz she stops people dynig" .
و اللينكات بقي للألبوم :
توررنت :
http://thepiratebay.se/torrent/9910178/Courtney_Barnett_-_The_Double_EP__A_Sea_of_Split_Peas
معلش بقي هتكملوا الابوم لوحدكوا الليلة :)
بكرة بقي نطول براحتنا ...
0 comments:
Post a Comment