مريم عايشة .... أخيراً !

فاكرين السودانية مريم ابراهيم؟ اللي اتحكم عليها بالاعدام بسبب انها ارتدت عن الاسلام للمسيحية - و للي ممكانوش متابعين، اساساً هي طول عمرها مسيحية زي امها بس القانون و الشرع العربي اللطيف كتبها زي والدها غصب عنها من وهي صغيرة-

و اتحسبت فترة و حتي خلفت طفلتها في الفترة اللي كانت فيها ف السجن دي،
المهم ان مريم أخيراً و بعد شهر كامل قاعدة ف السفارة الامريكية ف الخرطوم،
حصلت علي لجوء و اقامة من إيطاليا ...

Today is a day of Celebration  .... كانت كلماتها تعليقاً علي حياتها بعد ماسافرت ...

طبعاً فيه ناس بدأوا يزايدوا -مش عارف جايبين لسان منين- انها المفروض كانت تقاوم و تفضل في بلدها و ماتهربش، الناس دي لازم تفهم ان بلدها دلوقتي هي ايطاليا، دي الدولة اللي تستاهل تديها حبها و اخلاصها ... كلنا ملناش دول ولا أوطان لحد مانلاقي الدولة اللي تقدر تدينا حقنا .... كلنا غرباء  !

أخيرا مريم هتعيش! في دولة محترمة، دولة تقدر تحميلها حقها و حريتها الكاملة في كل قراراتها و اعتقاداتها !

http://www.bbc.com/news/world-africa-28460383